BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا اوسشك ۇلتتىق-مادەني ورتالىقتارىنىڭ حالىقارالىق فورۋمى باستالدى

استانا. 2 شىلدە. baq.kz – استانادا ازياداعى ٴوزارا ىقپالداستىق جانە سەنىم شارالارى جونىندەگى كەڭەسى ۇلتتىق-مادەني ورتالىعىنىڭ حالىقارالىق فورۋمى باستالدى. فورۋم تاقىرىبى: «ن.نازاربايەۆتىڭ قوعامدىق كەلىسىم جانە ۇلت بىرلىگىنىڭ قازاقستاندىق ۇلگىسى: اوسشك كەڭىستىگىندەگى تاجىريبە».

 شارانىڭ نەگىزگى ماقساتى – ورتالىق ازيادا جانە اوسشك ەلدەرىندەگى حالىقتار اراسىندا مادەنيەتارالىق ٴوزارا ديالوگ الاڭشالارىن قۇرۋ. سونداي-اق، قوعامدىق كەلىسىم مەن ۇلتتىق بىرلىكتىڭ قازاقستاندىق ۇلگىسىن زەردەلەۋ نەگىزىندە تاجىريبە الماسۋ بولىپ تابىلادى.

«ٴبىز جيىرما جىلدان استام ۋاقىت تاريحتا قازاقستاندىق جول دەگەن اتاۋمەن ساقتالعان بەيبىتشىلىك جانە كەلىسىم جولىمەن ٴجۇرىپ كەلەمىز. 2015 جىل قحا ٴۇشىن تاريحي وقيعا بولدى، بيىل قازاقستان حالقى اسسامبلەياسى جىلى ەكەنى بەلگىلى. بۇل قازاقستاننىڭ ٴوز ىشىندەگى جانە سىرتتاعى بەيبىتشىلىك پەن كەلىسىمگە نەگىزدەلگەن وزگەرىسسىز ساياساتىنىڭ ايعاعى. ايتا كەتەيىك، وتكەن جىلى 5 مامىردا ەلوردامىزدا قحا مەن اوسشك اراسىندا ٴوزارا تۇسىنىستىك تۋرالى مەموراندۋمعا قول قويىلىپ، وندا تاراپتار ىنتىماقتاستىعىنىڭ نەگىزگى قاعيداتتارى ايقىندالدى. بۇل كەلىسىم ەكى تاراپ اراسىنداعى ٴوزارا ٴىس-قيمىلدى بۇرىنعىدان دا نىعايتا ٴتۇستى. حالىقارالىق ۇيىمنىڭ مەملەكەتتىك ورگانمەن بىرگە قۇجاتقا قول قويۋى اوسشك كەڭىستىگىندە العاش رەت بولىپ وتىر» دەدى قحا حاتشىلىعى ٴتوراعاسىنىڭ ورىنباسارى ەرالى توعجانوۆ.

ونىڭ ايتۋىنشا، بيىل ساۋىردە وتكەن قحا-نىڭ «ماڭگىلىك ەل: ٴبىر ەل ٴبىر تاعدىر» اتتى xxi سەسسياسى ەلىمىزدەگى بەيبىتشىلىك پەن كەلىسىمنىڭ باستى ايعاعى.

«ماڭگىلىك ەل» ٴبىزدىڭ سانامىزدا نىق ورىن العان ۇعىم. ەلدىڭ ماڭگىلىك بولۋى – بارشانىڭ ارمانى. ال، قازاقستاندى جاڭا ساتىعا جانە جاڭا ساپاعا كوتەرۋ جولىندا بۇل يدەيا باستى باعدارىمىز، اينىماس تەمىرقازعىمىز بولاتىنى انىق. سونداي-اق، وسكەلەڭ ۇرپاقتى وتانشىلدىق رۋحتا تاربيەلەۋدە نەگىزگى يدەولوگيالىق ۇستانىمعا اينالاتىنى ٴسوزسىز» دەدى ە.توعجانوۆ.

ايتا كەتەيىك، شاراعا الەمنىڭ 13 ەلىنەن كەلگەن رەسمي دەلەگاسيا وكىلدەرى قاتىسۋدا. ونىڭ ىشىندە رەسەيدەن، قىتايدان جانە بانگلادەش ەلىنەن كەلگەن وكىلدەر دە بار.

 

دانا ساعىنبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي