BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جىل سوڭىنا دەيىن «قازاقفيلم» قازاقستاندىقتاردىڭ نازارىنا تاعى دا 6 فيلم ۇسىنادى

استانا. 1 ٴساۋىر. baq.kz – شاكەن ايمانوۆ اتىنداعى «قازاقفيلم» اق جىل سوڭىنا دەيىن 6 جاڭا ٴفيلمنىڭ تۇساۋىن كەسەدى، - دەپ حابارلايدى baq.kz ٴتىلشىسى.

بۇل جونىندە رەجيسسەر ەرمەك تۇرسىنوۆتىڭ «كەنجە» كينوتۋىندىسىنىڭ جابىق كورسەتىلىمى اياسىندا وتكەن ٴباسپاسوز ٴماسليحاتىندا «قازاقفيلم» كينوستۋدياسىنىڭ ۆيسە-پرەزيدەنتى ديدار امانتاي ايتتى.
- «كەنجە» «قازاقفيلم» كينوستۋدياسىنىڭ بيىلعى جىلعا ەكىنشى پرەمەراسى. جىل سوڭىنا دەيىن تاعى دا 6 فيلم كورسەتەمىز، - دەدى د.امانتاي.
ايتا كەتەيىك، 19 ناۋرىز كۇنى شاكەن ايمانوۆ اتىنداعى «قازاقفيلم» كينوستۋدياسى رەجيسسەر راشيد سۇلەيمەنوۆتىڭ «ورالۋ» ٴفيلمىن جالپىۇلتتىق كورسەتىلىمگە شىعارعان بولاتىن. ال 2 ساۋىردەن باستاپ رەجيسسەر ەرمەك تۇرسىنوۆتىڭ تريلوگياسىنىڭ ٴۇشىنشى ٴفيلمى «كەنجە» كينوتۋىندىسى پروكاتقا شىعارادى.
«كەنجە» ٴفيلمىنىڭ ٴتۇسىرىلىم جۇمىستارى قازاقستاندا، سونىمەن قاتار يسپانيا جانە تايلاند ەلدەرىندە جۇرگىزىلدى. ٴفيلمنىڭ ٴتۇسىرىلىم جۇمىستارىنا تاجىريبەسى مول قازاقستان، رەسەي، اقش، ۆەنگريا جانە باسقا دا مەملەكەتتەردىڭ ۇزدىك ماماندارى شاقىرىلعان. ٴفيلمنىڭ ەكشن قويىلىمدارىن جۇزەگە اسىرۋ ٴۇشىن قازاقستاندىق جايداربەك كۇنعوجينوۆتىڭ تانىمال «نوماد» اتتى كاسكادەرلىك توبى تارتىلعان.
فيلمدەگى باستى كەيىپكەرلەردىڭ ٴرولىن وتاندىق كينوجۇلدىزداردان اكتەر جاندوس ايباسوۆ پەن اينۇر نيازوۆا سومداسا، شەتەلدەن شاقىرىلعان اكتەرلەردەن «ۆيي»، «ماما-دەتەكتيۆ» فيلمدەرى ارقىلى تانىمال ولگا زايسەۆا، «ودنا ۆوينا»، «زولوتوي زاپاس» سىندى فيلمدەردىڭ باستى اكتەرلەرىنىڭ ٴبىرى ميحايل حمۋروۆ پەن كەزىندە «جاۋجۇرەك مىڭ بالا» ٴفيلمى ارقىلى ەلىمىزگە تانىمال ەدۋارد وندار وينادى.

 

د.ساعىنبەكقىزى، ع.ماداليەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي