BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەڭىستىڭ 70 جىلدىعىنا وراي «مايدانگەرلەر» ٴفيلمى جارىققا شىقپاق

استانا. 15 ٴساۋىر. baq.kz – وڭتۇستىك قازاقستان وبلىسىندا جەڭىستىڭ 70 جىلدىعىنا وراي «مايدانگەرلەر» دەپ اتالاتىن قىسقامەتراجدى ٴفيلمنىڭ ٴتۇسىرىلىمى جۇرۋدە. ۇلى وتان سوعىسىنا اتتانعان جاۋىنگەرلەردىڭ جانقيارلىق ەرلىگى باياندالعان كينونى شىمكەنتتىك جاس رەجيسسەر سەرىك تالاسوۆ ٴتۇسىرىپ جاتىر. 

وبلىستىق ىشكى ساياسات جانە ٴدىن ىستەرى باسقارماسىنىڭ تاپسىرىسى بويىنشا جاسالىنعان 25 مينۋتتىق فيلم شىمكەنت قالاسىنداعى «داڭق» مەموريالى مەن قازىعۇرت شاعىناۋدانىندا جانە بايدىبەك اۋدانىنىڭ بىرلىك ەلدى مەكەنىندە ٴتۇسىرىلدى.

فيلمدەگى باستى كەيىپكەر بولات بەگايداروۆ ەكى اعاسىنىڭ سوڭىنان دوسى بەكتەمىر جانقوجايەۆپەن بىرگە ٴوز ەركىمەن سوعىس مايدانىنا اتتانادى. ەكى دوس شايقاس دالاسىندا جاۋعا ەرلىكپەن تويتارىس بەرىپ، ەلگە امان ورالادى.

سونىمەن قاتار، كينوداعى رولدەردى وشات راحيموۆ، مۇحان شاكيروۆ، ٴماجيت يلياسقاروۆ، اسىلحان تولەپوۆ، قۇپيا راحىمبەرديەۆا، ايجان جۇمابەكوۆا، عالىمجان قالىبايەۆ، قۇرماناي باقتيارقىزى، ولجاس بەكبايەۆ، ازيزا تۇلكىبايەۆا، قابىل باتىر سىندى الماتىلىق جانە شىمكەنتتىك تانىمال اكتەرلەر سومداۋدا.

شىمكەنتتە 5 مامىردا باستى رولدەردى سومداعان اكتەرلەردىڭ قاتىسۋىمەن «مايدانگەرلەر» ٴفيلمىنىڭ تۇساۋكەسەرى ٴوتىپ، تۋىندى ەلىمىزدەگى تەلەارنالاردان كورسەتىلمەك.

وتانسۇيگىشتىك پەن ەلجاندىلىقتى ناسيحاتتايتىن بۇل فيلم وسكەلەڭ ۇرپاقتى وتاندى سۇيۋگە، ادامگەرشىلىككە باۋلۋعا، حالىقتار اراسىندا دوستىقتى نىعايتۋعا ۇندەيدى. 

 

دانا ساعىنبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي