BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەڭىس كۇنىنە وراي "پريكاز ۆەرنۋتسيا جيۆىم" ٴفيلمى ٴتۇسىرىلدى

استانا. 10 ٴساۋىر. baq.kz – جەڭىس كۇنى قارساڭىندا ەل تۇرعىندارىنا تاعى ٴبىر وتاندىق تەلەفيلم جول تارتادى. "پريكاز ۆەرنۋتسيا جيۆىم" اتتى 4-سەريالى كينوكارتينا 9 مامىر كۇنى "حابار" تەلەارناسىنان كورسەتىلەدى دەپ جوسپارلانۋدا. 

فيلم رەجيسسەرى الەكسەي گورلوۆتىڭ بۇل ەكىنشى ٴىرى جوباسى. بۇعان دەيىن ول «يستوريا ودنوي ستارۋشكي» اتتى كارتيناسىمەن كوپشىلىك كورەرمەننىڭ ىقىلاسىنا بولەنگەن بولاتىن.

ال، جاڭا كينوكارتينا سيۋجەتى ەكى سوعىس ارداگەرى جايىندا. ۇلى وتان سوعىسىنان بەرى ٴبىرىن-بىرى كورمەگەن قاريالار كەزدەيسوق مەكتەپتە جولىعىپ قالادى. ۇلى جەڭىس كۇنىنە وراي وتكىزىلگەن شاراعا قوناق رەتىندە كەلگەن ولاردى تاعدىر وسىلايشا جولىقتىرىپ، ەكەۋى قان مايداندا باستان كەشكەن وقيعالارىن وقۋشىلارعا بايانداپ بەرەدى.

باستى ٴرولدى قاراعاندى قالاسىندا ورنالاسقان ستانيسلاۆسكيي اتىنداعى ورىس دراما تەاترىنىڭ اكتەرى اندرەي مارىچەۆ سومدايدى. ونىڭ كينوداعى سەرىگى «جاۋجۇرەك مىڭ بالا» فيلمىمەن كوپشىلىككە تانىلعان جاس اكتەر داۋرەن سەرعازين بولماق.

ايتا كەتەيىك، اتالعان فيلم «حابار» تەلەارناسىندا 9 مامىر كۇنى كورەرمەندەر نازارىنا ۇسىنىلادى دەپ جوسپارلانۋدا. 

سونىمەن قاتار، ايتۋلى كۇن قارساڭىندا ەلىمىزدە بۇدان بولەك تاعى ونداعان فيلم ٴتۇسىرىلىپ جاتىر. بارلىعى دا سوعىس پەن ۇلى جەڭىستىڭ تاريحى جايىندا. فيلمدەردىڭ كوپشىلىگى قىسقامەتراجدى. بارلىعى كورەرمەن نازارىنا مامىر ايىندا ۇسىنىلاتىن بولادى.

 

دانا ساعىنبەكقىزى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي