BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ٴۇش بويداققا ٴبىر توي» ٴفيلمى قىرعىزستاندا كورسەتىلەدى

استانا. 20 ٴساۋىر. baq.kz – قازاقستاندا تۇسىرىلگەن «ٴۇش بويداققا ٴبىر توي» كينوتۋىندىسى ەندى قىرعىزستاندا دا كورسەتىلمەك. اتالعان فيلم 5 ناۋرىزدا وتاندىق كورەرمەندەر نازارىنا ۇسىنىلعان بولاتىن. كومەديا ٴبىر اپتانىڭ ىشىندە 470 مىڭ دوللار تابىس تاپتى.  

كينوكارتينا سيۋجەتى وسىدان 7 جىل بۇرىن الماتىدان ماسكەۋگە قاشىپ كەتكەن ازامات ەسىمدى الاياق بالا جايىندا. رەسەي استاناسىندا ونى قىلمىستىق ورتانىڭ سەركەلەرى ۇستاپ الىپ، 200 مىڭ اقش دوللارىن تابۋدى تالاپ ەتكەن. ٴىرى كولەمدەگى قاراجاتتى تابۋ ٴۇشىن ازامات امال جوق، الماتىعا كەلۋگە ٴماجبۇر بولادى.

الماتىدا باستى كەيىپكەر ەسكى دوسى تيمۋرمەن كەزدەسىپ قالادى. ول ازاماتتان ٴوزىنىڭ سۇيىكتىسى ٴاليانى الىپ قاشۋعا كومەك سۇرايدى. وسى ساتتەن باستاپ بۇرىن الاياقتىقپەن اينالىسىپ كەلگەن ازاماتتىڭ ٴومىرى كۇرت وزگەرىپ، دۇرىس ارناعا بۇرىلعان بولاتىن. دەگەنمەن، تويعا قىزۋ دايىندىق ٴجۇرىپ جاتقان كەزدە اياقاستى پايدا بولعان "توسىن سىيلار" ٴبىراز كەدەرگىلەر كەلتىرىپ، ەكى دوستىڭ باسىنا ۇلكەن سىناق الىپ كەلەدى. فيلم ازامات پەن تيمۋردىڭ وسى ۇلكەن تويعا دايىندىقتارى جايىندا.

ايتا كەتەيىك، رەجيسسەر اسقار بيسەمبيننىڭ بۇل تولىقمەتراجدى العاشقى كينوتۋىندىسى. ونىڭ ەسىمى «پاپينى دوچكي»، «ۆۋزەرى»، «باجالار» سەكىلدى رەسەيلىك جانە قازاقستاندىق تەلەسەريالدار ارقىلى ەلگە تانىلعان. بۇل كارتينادا باستى رولدەردى نۇرتاس ادامبايەۆ، ارۋجان جازىلبەكوۆا جانە داۋرەن ايدارقۇلوۆ سومدايدى. ولار كوپشىلىككە"استاناkz" كۆن كومانداسى ارقىلى تانىمال. 

 

دانا ساعىنبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي