BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"ۇندەستىك ساباقتارى" سان-پاۋلۋ كينوفەستيۆالىندە گران-پري يەلەندى

استانا. 6 قاراشا. baq.kz - ەمير ٴبايعازيننىڭ «ۇندەستىك ساباقتارى» 18 بەن 31 قازان ارالىعىندا سان-پاۋلۋدا وتكەن ٴ37-شى حالىقارالىق كينوفەستيۆالدىڭ باس جۇلدەسىن جەڭىپ الدى، - دەپ حابارلايدى «قازاقفيلم» كينوستۋدياسىنىڭ ٴباسپاسوز قىزمەتى.

ەڭ ۇزدىك ٴفيلمدى فيليپپيندىك كينورەجيسسەر لاۆ دياس، اۆستريالىق كينورەجيسسەر حانس ۆاينگارتنەر جانە برازيليالىق كينووپەراتور سەسار چارنول، كينورەجيسسەر مونيكا گاردەنبەرگ جانە بەلورۋسيالىق رەجيسسەر سەرگەي لوزنيسادان تۇراتىن ٴادىل-قازىلار القاسى تاڭداعان.
حالىقارالىق سان-پاۋلۋ كينوفەستيۆالى 1977 جىلدان باستاپ وتكىزىلىپ كەلەتىن برازيلياداعى ەڭ ماڭىزدى بايقاۋلاردىڭ ٴبىرى. بيىل فەستيۆالدە الەمنىڭ 360 كارتيناسى كورسەتىلگەن.
بۇعان دەيىن «ۇندەستىك ساباقتارى» بەرلين حكف-دە «كۇمىس ايۋدى» جەڭىپ العاننان كەيىن ەۋروپا مەن اقش-تا ٴبىرقاتار سىيلىقتاردى يەلەنگەن: سيەتل حكف-نىڭ گران-پريى، بازەل (ششۆەيساريا) كينوفەستيۆالىنىڭ گران-پريى، سلوۆاكيا حكف-نىڭ گران-پريى، لوزاننا (ششۆەيساريا) حكف-نىڭ گران-پريى، ۆارشاۆا (پولشا) حكف مەن ابۋ دابي (ٴباا) حكف-نىڭ نەتپاك-تىڭ «ۇزدىك ازيالىق فيلم» سىيلىعى، رەسەيدىڭ «2morrow/ەرتەڭ» حكف-نىڭ گران-پريى، ساحاليندە وتكەن «الەمنىڭ شەتى» حكف-نىڭ «ۇزدىك وپەراتورلىق جۇمىس»، گەنت (بەلگيا) حكف-نىڭ «ٴادىل-قازىلاردىڭ ەرەكشە كوزقاراسى» جانە اقش-تا وتكەن فيلادەلفيا ٴ22-شى كينوفەستيۆالىنىڭ «ۇزدىك باستاما» جانە «ۇزدىك وپەراتورلىق جۇمىس».
سونىمەن قاتار كارتينا «ا» دەڭگەيىندەگى كارلوۆى ۆارى (چەحيا)، سان سەباستيان (يسپانيا)، لوكارنو (شۆەيساريا) حكف جانە مونرەال (كانادا) حكف-نىڭ بايقاۋدان تىس كورسەتىلىمدەرىنە قاتىسقان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي