BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلتتىق ارنا كورەرمەن كوزايىمىنا اينالعان سەريالدىڭ جالعاسىن ۇسىنادى

 استانا. 4 ناۋرىز. baq.kz - كورەرمەن كوزايىمىنا اينالعان «سىرعالىم» سەريالىنىڭ جالعاسى «قازاقستان» تەلەارناسىنان كورسەتىلە باستادى. بۇل تۋرالى ۇلتتىق ارنانىڭ ٴباسپاسوز قىزمەتى حابارلادى.

 «سىرعالىم» – «قازاقستان» رەسپۋبليكالىق تەلەراديوكورپوراسياسىنىڭ تاپسىرىسى بويىنشا تۇسىرىلگەن وتاندىق تەلەحيكايا. ول اكەسىنىڭ ەسكى دوسىنىڭ قىزىن ٴوز وتباسىلارىنا قابىلداعان زاماناۋي قازاق وتباسىنىڭ ٴومىرى تۋرالى سىر شەرتەدى. نەگىزگى ارەكەت بانك كەڭسەسىندە ٴوربيدى: باس كەيىپكەر، ٴبىر جاعىنان، مانسابىنا جەتۋ ٴۇشىن ەڭبەك جولىن باستاسا، ەكىنشى جاعىنان، وتباسىن ساقتاپ قالۋعا بار كۇش جىگەرىن سالادى.
باس كەيىپكەردىڭ ٴرولىن اكتريسا جۇلدىز ماحانوۆا سومدايدى. سيۋجەتكە سايكەس كورەرمەندەر تەلەحيكايانىڭ كەلەسى بولىمدەرىندە تەاتر جانە كينو اكتەرلەرى ليديا كادەنوۆا، ساكەن راقىشەۆتار سومداعان جاڭا كەيىپكەرلەرمەن تانىسادى، شىتىرمان سيۋجەتكە ٴتان ارام ويلار، كۇردەلى جەكە تۇلعالىق قاتىناستار مەن قۇپيالار وسى تەلەحيكايادا توعىسقان.
قويۋشى-رەجيسسەرى، سسەناريي اۆتورى راشيد سۇلەيمەنوۆ «سىرعالىم» تەلەحيكاياسىن جاساۋشىلار يدەولوگيا فاكتورىنا كوپ ٴمان بەرگەنىن اتاپ ٴوتتى.
«ارينە، ويىن-ساۋىق نىسانىنىڭ استارىنان يدەولوگيا اسپەكتىسى بايقالمايدى، ٴبىراق ٴبىزدىڭ نيەتىمىز دە وسى، سەبەبى ٴبىزدىڭ سەريال تەرەڭ يدەولوگيالىق قۇندىلىقتارمەن باستالادى. بۇل قالا مەن اۋىلدىڭ بايلانىسى، ەتنوستى شوعىرلاندىرۋ، ال باستى مىندەتتەردىڭ ٴبىرى قازاق ٴتىلىن دامىتۋ بولىپ تابىلادى. «قازاقستان» رەسپۋبليكالىق تەلەراديوكورپوراسياسىنىڭ ارقاسىندا بىزدە ٴتىلدى تۇزەتۋدىڭ كوپ ساتىلى رەداكسيالىق-بەيىمدەۋى بار. ٴتۇسىرۋ الاڭىندا لەكسيكانىڭ دۇرىستىعىن تەكسەرەتىن ەكى رەداكتورىمىز بار، سەبەبى ٴبىزدىڭ كەيىپكەرلەرىمىز قازاق تىلىندە دۇرىس سويلەۋى ٴتيىس. كوپتەگەن ٴتىل ماماندارى، قوعام قايراتكەرلەرى تەلەحيكاياداعى قازاق ٴتىلىنىڭ جوعارى دەڭگەيىن اتاپ ٴوتتى. ٴبىز ٴۇشىن بۇل ۇلكەن ماقتانىش»،- دەپ قۋانىشىن جاسىرمادى رەجيسسەر.
تەلەحيكايادا تابيعاتتا ٴتۇسىرۋ بولجانباعانىمەن، بۇل فاكت ونىڭ تارتىمدىلىعىنا اسەر ەتپەيدى. ەكىنشى ماۋسىمدا 1000 كۆ.م. اۋداندا ورنالاسقان تاۋەلسىز قازاقستاننىڭ سەريال تاريحىنداعى ەڭ قىمبات دەكوراسيالار پايدالانىلدى. ٴبىرىنشى ماۋسىمدى تاماشالاعان كورەرمەندەر ەكىنشى ماۋسىمنان تانىس پاۆيلوندى كورە المايدى. بارلىق دەكوراسيالار قايتادان جاسالدى.
تەلەحيكايا ورىس تىلىندەگى ىلەسپەلى جۇگىرتپە جولدار ارقىلى قازاق ٴتىلدى جانە ورىس ٴتىلدى اۋديوترياعا دا تەڭ دارەجەدە قولجەتىمدى بولادى.
2014 جىلدىڭ باسىندا كورسەتىلگەن «سىرعالىم»تەلەحيكاياسىنىڭ ٴبىرىنشى ٴبولىمى كۇن سايىن ميلليونعا جۋىق كورەرمەندەر اۋديتورياسىن جيناعان بولاتىن. تەلەنوۆەللا رەسپۋبليكا تاريحىندا تالاپ ەتىلگەن تەلەحيكايالاردىڭ تىزىمىنە ەندى. العاش رەت قازاق تىلىندەگى ٴونىم ورىس تىلىندەگى رەيتينگتىك تەلەحيكايالار مەن باعدارلامالارعا باسەكەلەس بولا الدى. وتكەن ماۋسىمداعى 48 سەريالىق «سىرعالىم» قازاقستاندىق تەلەۆيزياداعى ەلەۋلى وقيعا بولدى.
تەلەحيكايا «2014 جىلعى ۇزدىك تەلەحيكايا» نوميناسياسىن يەلەنسە، باس ٴرولدى سومداعان اكتريسا جۇلدىز ماحانوۆا «2014 جىلعى ۇزدىك اكتريسا» اتاندى.
«سىرعالىم» تەلەحيكاياسىنىڭ ەكىنشى ماۋسىمى «قازاقستان» تەلەارناسىنىڭ ەفيرىنەن 3-ناۋرىز كۇنى ساعات 21.50-دە كورسەتىلە باستايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي