BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلى جەڭىسكە ارنالعان «ناشا ۆوينا» دەرەكتى سەريالى ەكرانعا مامىر ايىنىڭ باسىندا شىعادى

استانا. 16 ٴساۋىر. baq.kz – قازاقستاندىقتاردىڭ ۇلى جەڭىسكە قوسقان ەلەۋلى ۇلەسى تۋرالى «ناشا ۆوينا» دەرەكتى سەريالىنىڭ تۇساۋكەسەر كورسەتىلىمى «ەۋرازيا» ٴبىرىنشى ارناسىندا وتەدى. كارتينا «سامۇرىق-قازىنا» ۇلتتىق ٴال-اۋقات قورىنىڭ جانە «جەڭىس» الەۋمەتتىك-قايىرىمدىلىق جوباسىنىڭ قولداۋىمەن تۇسىرىلگەن.

ەندى جاڭا ەشنارسە اشىلمايتىنداي كورىنەتىن ەدى. مەكتەپ وقۋلىقتارى، اسكەري جىلداردىڭ كينوحرونيكاسى، ۇلى وتان سوعىسى تۋرالى كىتاپتار ستاتيستيكاعا تولى – ٴبىر ميلليون ەكى ٴجۇز مىڭنان استام قازاقستاندىق سول كەزدە مايدانعا جۇمىلدىرىلىپ، ولاردىڭ جارتىسىنان كوبىسى وتانعا ورالمادى، بەس جۇزگە جۋىق ادام كەڭەس وداعىنىڭ باتىرى اتاعىن الدى. حالىق ولاردىڭ اتىن ٴالى كۇنگە دەيىن اڭىز ەتىپ ايتىپ ٴجۇر.

لەيتەنانت راقىمجان قوشكاربايەۆ گريگوريي بۋلاتوۆپەن بىرگە رەيحستاگقا العاش رەت جەڭىس تۋىن تىكتى. ەرلىكتەرى الەمدىك تاريحتا قالعان اتاقتى پانفيلوۆ ديۆيزياسى. لەيتەنانت باۋىرجان مومىش ۇلىنىڭ قولباسشىلىعىمەن باتالون جاۋىنگەرلەرى ماسكەۋ تۇبىندەگى شايقاس كەزىندە اسقان ەرلىك كورسەتتى، ول ٴۇشىن كەڭەس وداعىنىڭ باتىرى اتاندى. رەيحستاگتىڭ قابىرعاسىنا جازىلعان تولەۋحان ٴشايدىلدينوۆتىڭ «مەن – قازاقپىن، قازاقستاننان كەلدىم. قان مايداندا ٴجۇرىپ ماسكەۋدەن بەرلينگە دەيىن جەتتىم. رەيحستاگقا شابۋىل جاساپ، جەڭىسكە جەتتىك» دەگەن سوزدەرى ٴالى دە ارداگەرلەردىڭ جادىندا. ۇلى جەڭىستەن كەيىن 70 جىل وتسە دە، اقىندارعا قالام ۇستاۋعا، رەجيسسەرلەرگە فيلم تۇسىرۋگە، جۋرناليستەرگە سول سۇراپىل سوعىستىڭ بەلگىسىز بەتتەرى تۋرالى جاڭا دەرەكتەر جازۋعا شابىت بەرەتىن تۇلعالاردىڭ بۇل ٴبىرلى-جارىمى عانا.

«ناشا ۆوينا» سەريالىنىڭ ٴتۇسىرۋ الاڭى ۇلان-عايىر. دەرەكتى سەريالدىڭ كەيىپكەرلەرىن ىزدەۋ بارىسىندا ٴتۇسىرۋ توپتارى بەس ەل مەن ەكى قۇرلىقتى قامتىدى. فيلمدە كورەرمەن سيپاتتالاتىن ساحنالارعا قاتىسىپ وتىرعانداي تاڭعاجايىپ امال پايدالانىلدى. وعان ناعىز اسكەري تەحنيكانى پايدالانۋ، اسكەري كيىم كيىپ، سول زاماننىڭ قارۋىن اسىنعان ساربازدار ارقىلى قول جەتكىزىلدى.

اسىرەسە اتاپ وتەتىنى، سەريال اۆتورلارى 70 جىل بۇرىنعى اسكەري حيكايالاردى كينو ٴتۇسىرۋدىڭ زاماناۋي تەحنولوگياسىمەن ۇيلەستىرە ٴبىلدى. وسىلايشا، كارتينادا ۋاقىت كەزەڭدەرىن بىرىكتىرۋدىڭ گرافيكالىق ٴتاسىلى قولدانىلدى. جۇرگىزۋشى سوعىس حرونيكاسىنان ٴبىزدىڭ زامانىمىزعا وتەدى. ٴبىر كادردا ەكى زامان كورسەتىلەدى. ٴدال كادردا تۇرىپ، جۇرگىزۋشىنىڭ كيىمى وزگەرەدى، باستاپقىدا كەڭسە كوستيۋمىن كيگەن ول ٴبىر ادىم جاساپ، اسكەري گيمناستەركا كيگەن كۇيىندە ەكىنشى كەڭىستىككە ەنەدى.

ادام تاعدىرلارى مەن ەستەلىكتەر قابىسىپ جاتادى – بۇل وسىعان دەيىن بەيمالىم بولىپ كەلگەن دەرەكتى ماتەريالدىڭ، ادامداردىڭ باستارىنان وتكىزگەنىنىڭ جانە تۇسىرىلگەن دۇنيەلەردىڭ ۇلكەن اۋقىمى. فيلم سول ۇلى سوعىستىڭ ٴتىرى قالعان كەيىپكەرلەرىمەن، ارداگەرلەرمەن جانە تىل ەڭبەككەرلەرىمەن كەزدەسۋلەردى كورسەتەدى.

سەريالدىڭ تۇساۋكەسەرى جەڭىس كۇنى قارساڭىندا «ەۋرازيا» ٴبىرىنشى ارناسىندا بولماق. 

 

دانا ساعىنبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي