BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«تۇركى الەمىنىڭ تەگەۋرىندى تۇلعاسى» اتتى دەرەكتى ٴفيلمنىڭ تۇساۋكەسەرى ٴوتتى

استانا. 11 جەلتوقسان. baq. kz - ەل تاۋەلسىزدىگىنىڭ 22 جىلدىعىنا وراي نازاربايەۆ ورتالىعىنىڭ كينو-كونسەرت زالىندا «تۇركى الەمىنىڭ تەگەۋرىندى تۇلعاسى» اتتى دەرەكتى ٴفيلمنىڭ تۇساۋكەسەرى ٴوتتى.

ادامزات ٴومىر ٴسۇرىپ كەلە جاتقان عاسىرلار كوشىندە جاسامپازدىق ىستەرىمەن تاريحتا ەسىمدەرى ەرەكشە اتالاتىن ۇلى تۇلعالار ساناۋلى عانا. ولار قان-قاساپ سوعىس اشىپ، قارۋدىڭ كۇشىمەن وركەنيەت ورناتپاق بولعاندار ەمەس. قايتا، دانالىقپەن، اقىلدىڭ كۇشىمەن، بىلىمدارلىعىمەن جانە ەرەكشە كورەگەندىگىمەن دۇنيە ديدارىنىڭ شىن قۇرمەتىنە بولەنە العاندار. قازاقستان پرەزيدەنتى نۇرسۇلتان نازاربايەۆ وسىنداي ەرەكشە جاراتىلعان، جۇرەگىنە جاراتۋشى جارىق ساۋلەسىن تۇسىرگەن، راحمان سىيىنا يە ەتكەن عاجايىپ تۇلعا!
پرەزيدەنت تەلەراديوكەشەنى دايىنداعان «تۇركى الەمىنىڭ تەگەۋرىندى تۇلعاسى” اتتى دەرەكتى فيلمدە ەلباسىمىزدىڭ وسىناۋ قاسيەتتەرى جان-جاقتى اشىلادى. فيلم قىزعىلىقتى دەرەكتەرگە، زامانىمىزدىڭ كورنەكتى ادامدارىنىڭ پايىمى تەرەڭ پىكىرلەرىنە تولى!
بۇل جوبانى جۇزەگە اسىرۋعا قر پرەزيدەنتىنىڭ تەلەراديوكەشەنى جانە تۇركيا رەسپۋبليكاسى ۇكىمەتى جانىنداعى تۇرىك ىنتىماقتاستىق جانە ۇيلەستىرۋ اگەنتتىگى (تika) تىكەلەي اتسالىستى. جىلعا جۋىق ۋاقىتتى العان ٴتۇسىرىلىم جۇمىستارى قازاقستاننان باستالىپ، قىرعىزستان، تاتارستان، تۇركيا جانە ٴازىربايجان مەملەكەتتەرىندە ٴجۇردى.
تۇساۋكەسەر راسىمىنە قر پرەزيدەنتى كەڭسەسىنىڭ باستىعى، نازاربايەۆ ورتالىعى ديرەكتورىنىڭ مىندەتىن ۋاقىتشا اتقارۋشى ماحمۇد قاسىمبەكوۆ، قر پرەزيدەنتىنىڭ كەڭەسشىسى - ٴباسپاسوز حاتشىسى داۋرەن ابايەۆ، «قر پرەزيدەنتى تەلەراديوكەشەنى» اق باس ديرەكتورى ەرلان بەكحوجين، تۇركيا رەسپۋبليكاسى ۇكىمەتى جانىنداعى تۇرىك ىنتىماقتاستىق جانە ۇيلەستىرۋ اگەنتتىگىنىڭ ۆيسە-پرەزيدەنتى مەحمەت سيۋرەيا ەر قاتىستى.
باسقوسۋ بارىسىندا ماحمۇد قاسىمبەكوۆ: «نۇرسۇلتان نازاربايەۆ قازاقستان تاۋەلسىزدىگىنىڭ العاشقى كۇندەرىنەن-اق تۇركى الەمىنىڭ ىنتىماقتاستىعىنا ەرەكشە ٴمان بەردى. تۇركى تىلدەس مەملەكەتتەرمەن اراداعى بارىس-كەلىستى جەڭىلدەتۋگە، ساۋدا ەكونوميكالىق جانە رۋحاني، الەۋمەتتىك بايلانىستاردى نىعايتۋعا كۇش سالدى. قازاقستان پرەزيدەنتى تۇركى تۇتاستىعىنان باستايتىن العاشقى ينستيتۋسيونالدىق تەتىكتەردىڭ قالىپتاسۋىنا سەبەپكەر بولدى. اتاپ ايتساق قازىرگى كەزدە تۇركىتىلدەس اعايىننىڭ يگىلىگى ٴۇشىن جەمىستى جۇمىس ىستەپ جاتقان پارلامەنتتىك اسسامبلەيا، اقساقالدار كەڭەسى، تۇركى اكادەمياسى، تۇركى كەڭەسى سياقتى ورگانداردىڭ قۇرىلۋى قازاقستان پرەزيدەنتىنىڭ ەسىمىمەن تىعىز بايلانىستى. ەلباسىنىڭ تۇركى ىنتىماقتاستىعىن تەرەڭدەتۋدەگى ەڭبەگىن تۇركى تىلدەس ەلدەردىڭ بۇگىنگى جانە بۇرىنعى مەملەكەت باسشىلارى، قوعام قايراتكەرلەرى دە جوعارى باعالاپ وتىر»، - دەدى. ال مەحمەت سيۋرەيا ەر: «قازاقستان رەسپۋبليكاسى پرەزيدەنتى مارتەبەلى نۇرسۇلتان نازاربايەۆ قازاقستان تاۋەلسىزدىگىن العان 1991 جىلدان بەرى ٴوز ەلىنىڭ دامۋى ٴۇشىن ەرەن ەڭبەك ەتىپ، قازاقستاندى بۇكىل دۇنيەجۇزى مويىنداعان باي، تۇراقتىلىعى مەن تاتۋلىعى سالتانات قۇرعان مەملەكەتكە اينالدىردى.
ول تەك تۋعان ەلىنە ەمەس، ايماقتاعى جانە دۇنيەجۇزىندەگى كەلەلى ماسەلەلەردىڭ شەشىمىن تابۋىنا زور ۇلەس قوسىپ كەلەدى. سونىمەن قاتار، تۇركى تىلدەس مەملەكەتتەر اراسىنداعى مادەنيەت، ٴبىلىم، ەكونوميكا سالالارىنداعى ىنتىماقتاستىقتىڭ جۇيەلى، ينستيتۋسيونالدى دامۋى ٴۇشىن ماڭىزدى پىكىرلەرىن ۇسىنىپ ٴجۇر.
ورتاق تاريح جانە مادەنيەتىمىزدى ساقتاۋىمىز جانە دامىتۋىمىز قاجەت ەكەنىن ايتىپ كەلەدى جانە ماڭىزدى قادامدار جاساۋدا.
مارتەبەلى ن.نازاربايەۆتىڭ بۇل ماڭىزدى ەڭبەكتەرىن تۇركيا جۇرتشىلىعى جاقسى بىلەدى جانە تەرەڭ قۇرمەتپەن قارايدى.
تۇركيا رەسپۋبليكاسى پرەزيدەنتى ابدۋللاح گۇل جانە پرەمەر ٴمينيسترى رەجەپ تايىپ ەردوعان ايتىپ وتكەندەي، مارتەبەلى ن.نازاربايەۆ تۇرىك الەمىنىڭ اقساقالى رەتىندە كورەد
ٴى»، - دەگەندى جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي