BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تيمۋر بەكمامبەتوۆ كينوعا تۇسۋگە شاقىرادى

  استانا. 23 شىلدە. baq.kz – تيمۋر بەكمامبەتوۆتىڭ «بازەلەۆس» كينوكومپانياسى الماتى قالاسىنىڭ تۇرعىندارىن «شىرشالار 3» ٴفيلمىنىڭ ەپيزودىنا تۇسۋگە شاقىردى، دەپ حابارلايدى tengrinews.kz.

   الماتىلىقتار «شىرشالار 3» ٴفيلمىنىڭ سوڭىندا رەسەيلىك 9 قالا مەن الماتى، كيەۆ قالالارىنىڭ تۇرعىندارى قۇرايتىن «س نوۆىم گودوم!» تىركەسىنىڭ «ى» ٴارىبىن قۇراۋلارى ٴتيىس. 
   ٴفيلمنىڭ تۇسىرىلىمىنە قاتىسقىسى كەلگەندەرگە كينوكومپانيانىڭ ٴباسپاسوز مالىمدەمەسىندە: «30 شىلدەگە دەيىن ٴوزىنىڭ قىسقى كيىمدە تۇرعان سۋرەتىن جانە بايلانىس اقپاراتتارىن (ٴاتى-جونى، تۋعان كۇنى، ۇيالى تەلەفونى، ەلەكتروندى جاشىگى،وقۋ\جۇمىس ورنى) elkialmaty@bazelevs.com مەكەن-جايىنا جىبەرۋلەرى ٴتيىس. كاستينگتىڭ جەڭىمپازدارى 4 تامىز كۇنى «المالى» ساۋدا-ويىن-ساۋىق ورتالىعى مەن رەسپۋبليكا الاڭىنىڭ ارالىعىندا وتەتىن تۇسىرىلىمگە شاقىرتۋ الادى. ولار ٴتۇسىرىلىم الاڭىندا شىنايى قىس پەن جاڭا جىلدىڭ اتموسفەراسىن ورناتۋ ٴۇشىن قىسقى كيىمدە، شانامەن، شاڭعىمەن كەلۋلەرى كەرەك»، دەپ جازىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي