BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تاريحي ٴفيلمىنىڭ ٴتۇسىرىلىمى توقتاپ قالۋى مۇمكىن (ۆيدەو)

 استانا. 8 قازان. baq.kz – "28 پانفيلوۆشى" ٴفيلمىنىڭ ٴتۇسىرىلىمى قارجى تاپشىلىعىنا بايلانىستى توقتاپ قالۋى مۇمكىن، - دەپ حابارلايدى "ەكسپرەسس-ك". قارجى 1 جەلتوقسانعا دەيىن، جۇمىستىڭ نەگىزگى ٴبولىمى باستالعانشا قاجەت. ٴبىر جىلدان شامالى كوپ ۋاقىتتا "28 پانفيلوۆشى" تۋرالى فيلمگە 100 ميلليون تەڭگە شاماسىندا قارجى جينالعان بولاتىن. بۇل فيلمگە قاجەتتى سوممانىڭ تەك ۇشتەن ٴبىر بولىگى عانا.

 ايتا كەتەيىك، "28 پانفيلوۆشى" تۋرالى فيلم حالىقتىڭ اقشاسىنا ٴتۇسىرىلىپ جاتىر. ماسكەۋ تۇبىنە تاياپ قالعان 18 نەمىس تانكىلەرىن توقتاتقان داڭقتى 316-شى اتقىشتار ديۆيزياسى تۋرالى فيلم ٴتۇسرۋدى 25 مىڭ ادام قولداعان. ۇيىمداستىرۋشىلارعا قارجى جوبانىڭ سايتى ارقىلى ٴتۇسىپ جاتىر. سونىمەن قاتار فيلم ۇيىمداستىرۋشىلارىنا war thunder ويىنىڭ نەگىزىن قالاۋشى gaijin entertainment كومپانياسى قارجىلاي كومەكتەسۋدە. بۇل كومپانيانىڭ جەتەكشىلەرى فيلم اۆتورلارىنا ويىننان تۇسكەن پايدانىڭ جارتىسىن اۋدارىپ وتىر.

جينالعان قارجىلار بۇگىندە ىسكە اسىرىلىپ جاتىر. كوماندا كاستينگ وتكىزىپ، كوستيۋم تىگىپ، كەرەكتى لوكاسيا مەن اسكەري تەحنيكا ىزدەپ جاتىر. "بىزدە ٴتۇسىرىلىم كۇنى جوسپار بويىنشا كوپ، ٴبىراق ٴبىز كۇنىنە جەتى نە توعىز كادر ٴتۇسىرۋ كەرەكپىز. بۇل ارينە ۇلكەن جۇمىس، سونداي-اق بۇل دەگەنىمىز ٴبىز ٴتۇسىرىلىم الاڭىندا تاجىريبە جاساي المايمىز دەگەن ٴسوز. ٴبىز نەنى جانە قالاي ٴتۇسىرىپ جاتقانىمىزدى جاقسى ٴتۇسىنۋىمىز قاجەت. ونىڭ بارلىعى ويداعىداي ٴوتۋى ٴۇشىن ٴقازىر دايىندىقتان دۇرىس ٴوتۋىمىز كەرەك. جاقسى دايىندىق، ساپالى فيلم شىعارۋدىڭ كەپىلى بولماق. دايىندىقتار ٴقازىر جاقسى ٴجۇرىپ جاتىر. سوعىس الاڭ وتەتىن الاڭ دا تابىلدى. سول جەردە ٴبىز دۋبوسەكوۆو ماڭىنداعى سوعىستى تۇسىرەمىز"، - دەيدى ٴفيلمنىڭ پروديۋسسەرى ٴارى سسەناريي اۆتورى اندرەي شالوپا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي