BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ستۋدەنت جاستار «شال» ٴفيلمىنىڭ رەجيسسەرى جانە باستى كەيىپكەرلەرىمەن جۇزدەستى

استانا. 18 قاراشا. baq.kz - م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىندە ەرمەك تۇرسىنوۆتىڭ سىر-سۇحباتقا قۇرىلعان «شال» ٴفيلمىنىڭ كورسەتىلىمى ٴوتتى، - دەپ حابارلايدى وقو اكىمى اپپاراتىنىڭ ٴباسپاسوز قىزمەتى.

جوبا ماقساتى - وتاندىق كينووندىرىستەگى ۇزدىك شىعارمالاردىڭ ٴبىرى نەگىزىندە قازاق قوعامىن تولعاندىرىپ وتىرعان ماسەلەلەردى تالقىلاۋعا ستۋدەنت جاستاردى تارتۋ بولىپ تابىلادى.
كەزدەسۋگە ٴفيلمنىڭ رەجيسسەرى ەرمەك تۇرسىنوۆ، باستى ٴرولدى سومداعان ەربولات توعۇزاقوۆ، ساياساتتانۋشى ايدوس سارىم جانە جۋرناليست سەرىك سارىبايەۆ قاتىستى.
«كينو - شىندىقتى سول قالپىندا كورسەتەتىن شاراينا ىسپەتتى. وكىنىشكە وراي، قازىرگى قوعامدا ادامنىڭ رۋحاني دامۋىنا، ٴوزارا قارىم-قاتىناسىنا قاتىستى ٴتۇرلى قايشىلىقتار كەزىگۋدە. بۇل جايىندا ٴبىز ٴقازىر ايتپاساق، ەرتەڭ تىم كەش قالۋىمىز مۇمكىن» ، - دەيدى ٴفيلمىنىڭ قويۋشى رەجيسسەرى ەرمەك تۇرسىنوۆ.
«شال» ٴفيلمى پروكاتقا 2012 جىلدىڭ قازان ايىندا شىققان. ونى كورەرمەن مەن كينوسىنشىلار جىلى قابىلدادى. سول جىلدىڭ قاراشا ايىندا كارتينا «جىل تاڭداۋى» بايگەسىندە «جىل ٴفيلمى» نوميناسياسىمەن ماراپاتتالدى. ال 2013 جىلدىڭ قىركۇيەك ايىندا فيلم «كينوشوك-2013» اشىق فەستيۆالىندە گران-پري سىيلىعىنا يە بولدى. «شال» سونىمەن قاتار «شەت تىلىندەگى ۇزدىك فيلم» كاتەگورياسى بويىنشا امەريكاندىق «وسكار» كينواكادەمياسىنىڭ سىيلىعىنا ۇسىنىلىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي