BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سوزاق تۋرالى كينو تۇسىرىلۋدە

استانا. 27 اقپان. baq.kz - تاماشا» ٴازىل-سىقاق تەاترى ارقىلى حالىققا تانىلعان، قازىرگى تاڭدا «قازىعۇرت» كينوستۋدياسىنىڭ ديرەكتورى، رەجيسسەر ٴسابيت ٴابدىحالىقوۆ سوزاق تۋرالى كينو تۇسىرۋدە. بۇل تۋرالى رەجيسسەردىڭ الەۋمەتتىك جەلىدەگى پاراقشاسىنا جاريالاعان مالىمەتكە سۇيەنىپ، سوزاق اۋدانىنىڭ اكىمىنىڭ ٴباسپاسوز قىزمەتى حابارلادى.  

تۋعان جەر تاريحى تۋرالى ٴتۇسىرىلىپ جاتقان كينو تۋرالى تولىعىراق اقپارات الۋ ٴۇشىن، رەجيسسەردىڭ وزىمەن حابارلاستىق. ٴسابيت ٴابدىحالىقوۆ «سوزاق» تۋرالى كينونىڭ ٴتۇسىرىلىم جۇمىستارى الماتى وبلىسى، قاپشاعاي ماڭىندا ٴجۇرىپ جاتقاندىعىن ايتتى. 1930 جىلعى كوتەرىلىستى، زوبالاڭ جىلداردى ەسكە تۇسىرەتىن بۇل فيلم نەگە سوزاق جەرىندە، قاراتاۋ بوكتەرىندە تۇسىرىلمەدى دەگەن ساۋالىمىزعا، رەجيسسەر: «كينونى ٴتۇسىرۋ ٴۇشىن، سوزاققا ارنايى بارىپ قايتتىم. ٴبىراق 1930 جىلعى سوزاق كوتەرىلىسىن سيپاتتايتىن جەردىڭ ىنعايى بولمادى. جەر شالعايلىعى تاعى بار. ٴتۇسىرىلىم ٴجۇرىپ جاتقان قاپشاعاي ٴوڭىرى ىڭعايلى، ۇلكەن قالاعا جاقىن، ەڭ باستىسى كينو ساپالى شىقسا بولعانى، – دەدى رەجيسسەر.

– «سوزاق» تۋرالى كينونىڭ ٴتۇسىرۋ يدەياسى وتەش قىرعىزبايەۆتىڭ «سوزاق كوتەرىلىسى» تاريحي رومانىن وقىپ شىققاننان كەيىن، كينو ٴتۇسىرۋ قاجەت دەگەن شەشىمگە كەلدىم. سول زامانداعى وقيعانى كورسەتەتىن كينو ٴالى جوق. وقيعا جەلىسى اعايىندى التى ادامنىڭ باسىنان وتكەن قيىندىق ارقىلى زاماننىڭ شىندىعىن كورسەتسەك دەيدى كينو رەجيسسەرى. اتالعان كينوعا «جاۋجۇرەك مىڭ بالاداعى» سارتاي باتىردىڭ ٴومىرىن سومداعان اسىلحان تولەپوۆ، ەلباسى، ن.ٴا. نازاربايەۆ تۋرالى تۇسىرىلگەن «بالالىق شاعىمنىڭ اسپانى» كينوسىنداعى ٴابىش اقساقالدىڭ ٴرولىن سومداعان ەرجان جارىلقاسىن، تالاي كينولار ارقىلى كورەرمەننىڭ جۇرەگىن جاۋلاعان بەلگىلى اكتريسا رايحان ايتقوجانوۆالار تۇسۋدە. كوكتەم ايىنىڭ سوڭىندا كورەرمەنگە جول تارتاتىن بۇل فيلم قىسقا مەتراجدى بولماق. سونىمەن قاتار، «سوزاق» كينوسى لوندوندا وتەتىن فەستيۆالعا قاتىساتىن بولادى، – دەيدى س. ٴابدىحالىقوۆ.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي