BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شوۋمەن مۇرات وسپانوۆ ەندىگى جەردە پوليسيا قىزمەتكەرى

استانا. 23 تامىز. baq.kz – اكتەر ٴارى ايگىلى «تاكسي» باعدارلاماسىنىڭ جۇرگىزۋشىسى مۇرات وسپانوۆ ٴوزىنىڭ جاڭا قىزمەتى جايلى ايتىپ بەردى. شوۋمەن قازىرگى كەزدە «گەيزەر» كومەديالىق سەريالعا ٴتۇسىپ جاتىر، فيلم «31 ارنادان» كورسەتىلەدى. وسپانوۆ بۇل فيلمدە ۋچاسكەلىك پوليسەيدى سومدايدى. 

«ەگەر دە ٴارتىس بولماعانىمدا، ۋچاسكەلىك پوليسەي بولار ەدىم. مەن بۇل ٴرولدى جاقسى ويناپ شىعامىن دەپ ويلايمىن، ويتكەنى تابيعاتىما وتە جاقىن ماماندىق»، - دەيدى شوۋمەن ازىلدەپ.

«گەيزەر» سەريالى الماتىدا تۇسىرىلەدى. سيۋجەت بويىنشا بۇرىن قىلمىس الەمىنە قاتىسى بار ٴىرى رەسەيلىك كاسىپكەر گەورگيي گەيزەر قازاقستاندا ۆاسيليي ەسىمدى ۇلكەن ۇلىنىڭ بار ەكەنىن ەستيدى، الايدا، قاي جەردە ەكەنىن بىلمەيدى. بالاسىن ىزدەپ تاپقىسى كەلگەن اكە «بارمىسىڭ باۋىرىم!» باعدارلاماسىنا قاتىسادى. بالاسىن تاپقان ادامعا 1000 دوللار بەرەتىنىن جاريا ەتەدى. مۇنى ەستىگەن قايرات جانە ۆاسيا ەسىمدى ەكى الاياق شالدى الداپ سوعۋدى ويلايدى. الايدا، ٴىستىڭ ارتى نەمەن تىناتىنىنان بەيحابار ەدى ولار.

فيلمگە مۇرات وسپانوۆتان باسقا گۇلنار سيلبايەۆا، سەرگەي پوگوسيان، رومان المانسكيي جانە سەرگەي نيكونەنكو تۇسەدى. كينولەنتانىڭ 20 سەرياسى شىعادى دەپ جوسپارلانىپ وتىر. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي