BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«سانجار مەن قايسار» تەلەحيكاياسىنىڭ جاڭا ماۋسىمى

استانا. 3 شىلدە. baq.kz – ەفيرگە شىققان ٴبىر جىلدىڭ ىشىندە بالالاردىڭ سۇيىسپەنشىلىگىنە بولەنگەن «سانجار مەن قايسار» تەلەتۋىندىسىنىڭ جاڭا ماۋسىمىنىڭ تۇساۋكەسەرى شىلدەنىڭ 4-جۇلدىزىندا، ساعات 14.00-دە «ارمان» كينوتەاترىندا بولادى. 

ەفيرگە شىققان ٴبىر جىلدىڭ ىشىندە بالالاردىڭ سۇيىسپەنشىلىگىنە بولەنگەن «سانجار مەن قايسار» تەلەتۋىندىسىنىڭ جاڭا ماۋسىمىنىڭ تۇساۋكەسەرى شىلدەنىڭ 4-جۇلدىزىندا، ساعات 14.00-دە «ارمان» كينوتەاترىندا بولادى.

بالالاردىڭ جازعى دەمالىسى قارساڭىندا باستالعالى جاتقان بۇل تەلەحيكايا قىزىقتى ٴارى زاماناۋي قازاق وتباسى تۋرالى. ٴفيلمنىڭ وقيعاسى اعايىندى سانجار مەن قايساردىڭ توڭىرەگىندە ٴوربيدى. سايكەسىنشە سانجار – وقىمىستى، ٴبىلىمدار بولسا، قايسار – توپ باستايتىن مىنەزدى بالا. ەكەۋىن ورتاقتاستىراتىن قاسيەت – جاڭالىققا قۇشتارلىعى، ەركىندىگى ٴارى ەركەلىگى. وجەت، ٴبىلىمدى اعايىندار تەحنيكا مۇمكىندىكتەرىن شەبەر پايدالانۋىمەن ەرەكشەلەنەدى.

تەلەحيكايانىڭ ەكىنشى ماۋسىمىندا باستى كەيىپكەرلەر سانجار مەن قايسار دا جازعى دەمالىستا اۋىلعا بارىپ، وزدەرى ٴۇشىن بەيمالىم بولعان اۋىل ٴومىرىنىڭ سىرىن اشىپ، ۇلتتىق ٴسالت-داستۇرىمىزدىڭ، تۇرمىس-تىرشىلىگىمىزدىڭ قاينارلارىنا ۇڭىلەدى. اتقا وتىرۋدى ۇيرەنىپ، كيەلى ايتىس ونەرىن دە وزدىگىنشە تۇرلەندىرەدى. ٴسويتىپ ولار اۋىلعا دەگەن زور سۇيىسپەنشىلىكپەن قالاعا ورالادى.

سانجار مەن قايساردىڭ بەينەسىنە بۇگىنگى كۇننىڭ بالاسىنىڭ مىنەز-قۇلقى مەن بولمىسىنا نەگىز بولعان. ولار زامانداستارىن كىتاپ وقۋعا، سپورتپەن شۇعىلدانۋعا شاقىرادى.

تۇساۋكەسەر راسىمىنە تەلەحيكايانىڭ ٴتۇسىرۋشى توبى مەن اكتەرلەرى قاتىسىپ، ونىڭ جاڭا ەكى سەرياسى كورەرمەن نازارىنا ۇسىنىلادى. سونىمەن قاتار ەرتەڭ «سانجار مەن قايسار» تەلەحيكاياسىنىڭ جەكە سايتى اشىلماق.  


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي