BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"سابينا كەلىن" 5 كۇندە ٴوزىنىڭ قۇنىن ەكى ەسە اقتادى

استانا. 4 جەلتوقسان. baq.kz - رەجيسسەر، سسەناريست ٴارى اكتەر نۇرتاس ادامبايەۆتىڭ «سابينا كەلىن» كومەديالىق تۋىندىسى پروكاتكا شىققان 5 كۇننىڭ ىشىندە 112 ميلليون تەڭگە جينادى.

ٴفيلمنىڭ رەجيسسەرى 27 قاراشا مەن 1 جەلتوقسان ارالىعىندا 615 مىڭ اقش دولارىن جيناعان فيلم ٴوزىنىڭ قۇنىن ەكى ەسە اقتاعاندىعىن ايتادى. بۇدان ٴبىراز ۋاقىت بۇرىن كەلىن سابينانىڭ وقيعاسى 300 مىڭ اقش دوللارىنا تۇسىرىلگەندىگى حابارلانعان بولاتىن.

 

فيلم الماتى وبلىسىنىڭ اۋىلدارىنىڭ بىرىندە 17 كۇندە ٴتۇسىرىلىپ بولعان. وقيعا ويدان شىعارىلعان جۇگەرى اۋىلىندا وتەدى. ونىڭ باستى كەيىپكەرى كلۋبتاردا دەمالعاندى ۇناتاتىن بايدىڭ قىزى سابينا قارسىبايەۆا. ٴبىر كۇنى ونى شەيحتىڭ ۇلىمىن دەپ وتىرىك الداپ تانىسقان اۋىلدىڭ جىگىتى دۋبايعا الىپ بارامىن دەپ، اۋىلىنا الىپ قاشىپ كەتەدى. اۋىلدا ول قازاقتىڭ سالت-داستۇرلەرىمەن تانىسىپ، شاي قۇيۋدى ۇيرەنىپ، ەت ٴپىسىرىپ، قامىر يلەپ، ۇلكەندەرگە سالەم سالىپ، ٴتىپتى قازاقشا سويلەي باستايدى.

 

كارتينانىڭ اۆتورى بۇل وزەكتى تاقىرىپتاردىڭ ٴبىرى ەكەندىگىن ايتىپ، «سابينا كەلىن» قىزدارعا ۇلگى بولاتىن فيلم دەپ اتاپ ٴوتتى.

 

ايتا كەتەيىك، وسىدان 4 اپتا بۇرىن پروكاتقا شىققان وتاندىق رەجيسسەر قايىرجان ورىنبەكوۆتىڭ "قازاقشا توناۋ" ٴفيلمى بۇگىنگى كۇنگە دەيىن 3 ميلليون اقش جوللارىن جيناعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي