BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وتاندىق جاس رەجيسسەر بيلل گەيتستىڭ بەتىن قايتاردى

  استانا. 13 قاراشا. baq.kz –ايگىلى ميللياردەر، "microsoft" كورپوراسياسىنىڭ نەگىزىن قالاۋشى بيلل گەيتس جۋىردا عانا ۇلكەن ەكرانعا شىققان "مەن جانە سەن" كارتيناسىنىڭ رەجيسسەرى ساكەن جولداستى جۇمىسقا تارتىپ، 100 مىڭ دوللارلىق جالاقى ۇسىنعان ەكەن. بۇل تۋرالى 31 ارنا حابارلادى. 

 الايدا جاس دارىن اقش-تا قالىپ، الەمدەگى ەڭ ٴىرى كومپانيالاردىڭ بىرىندە قىزمەت ەتۋدەن باس تارتىپتى.
"بولاشاق" باعدارلاماسىمەن اقش-تا ٴبىلىم الىپ كەلگەن ساكەننىڭ جاسى ٴقازىر 27-دە. قاتارلاستارىنا قاراعاندا ٴوز بيزنەسىن ەرتە باستاعان جىگىتتىڭ نەگىزگى ماماندىعى it سالاسى. ٴتىپتى الەمدەگى نومەرى ٴبىرىنشى ميللياردەر بيلل گەيتستىڭ جوعارعى تەحنولوگيالار كومپانياسىندا قىزمەت ىستەپ، وندا تولەنەتىن جوعارى جالاقىعا قاراماي، ەلىنە قايتا ورالىپتى.


"مەن مايكراسوفتتا 1 اي جۇمىس ىستەدىم، 100 مىڭ دوللار جالاقى الىپ تا ۇلگەردىم. تاعى بىرنەشە اي وندا جۇمىس ىستەسەم، ايلىعىما قوسىمشا 20 پايىز بونۋس تۇسەر ەدى. ٴبىراق ٴبارىن تاستاپ ەلگە قايتۋدى ٴجون سانادىم"، - دەيدى كينورەجيسسەر.
بۇل ەرلىگىن جاس رەجيسسەر ەلىنە دەگەن سۇيىسپەنشىلىگىمەن تۇسىندىرەدى. وزگە ەلدە سۇلتان بولىپ، كومپيۋتەردىڭ تەتىگىن باسىپ، قىرۋار قارجى تاپقانشا، ٴوز ەلىمدە ۇلتان بولىپ كينەماتوگرافيا سالاسىن دامىتايىن - دەپ ٴتۇيدىم دەيدى ول. وسىلايشا، "microsoft" كومپانياسىندا جۇمىس ىستەپ، ٴبىر جىلدىڭ ىشىندە تازا ميلليونەر اتانۋدان وپ-وڭاي باس تارتقان جىگىتتىڭ بولاشاق جوسپارى مىناداي.
"ەندى تاعى بىرنەشە كارتينا ٴتۇسىرۋ جوسپاردا بار. كەلەسى جولى ول كومەديا ەمەس، وزگە جانردا بولىپ قالار"، - دەيدى جاس مامان.
بۇگىندە جاس رەجيسسەردىڭ تىرناق الدى تۋىندىسى ۇلكەن ەكرانعا شىعىپ ۇلگەرمەي جاتىپ، ەڭ تابىستى وتاندىق كارتينالاردىڭ قاتارىنا ىلىكتى. نەبارى ەكى اپتانىڭ ىشىندە "مەن جانە سەن" رومانتيكالىق كومەدياسى وعان 60 ميلليون تەڭگە قارجى ٴتۇسىرىپتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي