BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وتاندىق تەلەحيكايالاردىڭ سانى ارتۋدا

استانا. 2 جەلتوقسان. baq.kz - «قازاقستان» ۇلتتىق ارناسى حالىق ٴسۇيىپ تاماشالاعان «ۇلجان»، «وليمپ شىڭى»، «سۇڭقار» تەلەحيكايالارىنان كەيىن كورەرمەننىڭ نازارىنا «ۇستاز» اتتى جاڭا تەلەحيكايانى ۇسىنادى.

«ۇستاز» – اۋىل وقۋشىلارىنىڭ قا­بىلەتىن اشىپ، ومىردە دۇرىس باعىت تاڭ­داۋعا كومەكتەسۋ مىندەتىن جۇكتەگەن جاس ۇستازداردىڭ ەڭبەك جولىن باياندايتىن تەلەحيكايا. فيلمدە وقيعا بىلىكتى مامانداردى قاجەت ەتكەن جاڭا مەكتەپتىڭ قاربالاس ومىرىنەن باستالادى. تاعدىردىڭ قا­لاۋىمەن تەلەحيكايانىڭ باس كەيىپ­كەرلەرى – سالتانات، قايرات، باقىت جانە جانىبەك ديرەكتور بايزاقوۆتىڭ قاراۋىندا جۇمىس ىستەيدى. وسىنداي جاۋاپتى ىسكە قادام باسقان جاس مۇعالىمدەر وقۋشىلارمەن ەتەنە بايلانىس ورناتا وتىرىپ، مەكتەپ ٴومىرىنىڭ قىزىعى مەن قيىندىعىن قاتار كورەدى.
دەسەك تە، جاس ماماندار پەداگوگ جاۋاپكەرشىلىگىن بىردەن سەزىنە الماي، ٴوز شاكىرتتەرىنىڭ بويىنان تۇسىنىستىك پەن كىشىپەيىلدىككە ۇيرەنەدى. ٴار كەيىپكەر ٴوزىن ۇستاز رەتىندە عانا ەمەس، جان-جاقتى قىرىنان تانىتادى. ۇستاز ٴوز وقۋشى­لارىنا جاقسى پەداگوگ عانا ەمەس، ٴوز وتباسىندا سۇيىسپەنشىلىك پەن مەيىرىم­دىلىككە بولەنە الماعان بالالاردىڭ جاقىن دوسى بولا بىلەدى.
تەلەحيكايانىڭ باستى كەيىپكەرلەرى وقۋشىلارىمەن بىرگە وتكىزگەن سان قيلى وقيعالار بارىسىندا دوستىق پەن ماحابباتتىڭ باعاسىن، مەيىرىم­دىلىك پەن تۇسىنىستىكتىڭ ماڭىزدىلىعىن تۇسىنەدى. ناتيجەسىندە جاس ماماندار بۇعاناسى قات­پاعان قارشاداي ٴشا­كىرتتەردى ٴتار­بيەلەۋ قيىندىعىمەن قاتار، قىزىعى مەن باقىتىن قاتار سىيلايتىن ۇلى ماماندىق ەكەندىگىن ۇعىنادى.

 

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي