BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«وسكارعا» ۇسىنىلعان «شال»

 استانا. 3 قازان. baq.kz - رەجيسسەر ەرمەك تۇرسىنوۆتىڭ “شال” ٴفيلمى “وسكار” سىيلىعىنا ۇسىنىلدى. 

   بۇگىنگى كۇنى “شەت تىلىندەگى ەڭ ۇزدىك فيلم” كاتەگورياسى بويىنشا ۇسىنىلىپ جاتقان ٴفيلمنىڭ بارلىق قاجەتتى قۇجاتتارى اقش-قا جىبەرىلگەن.
   “شال” دراماسى ەرنەست حەمينگۋەيدىڭ “شال مەن تەڭىز” پوۆەستىنىڭ جەلىسىمەن تۇسىرىلگەن. بۇل فيلم كەلىنى جانە نەمەرەسىمەن جاپان تۇزدە ٴومىر ٴسۇرىپ جاتقان شالدىڭ وقيعاسىن باياندايدى.
   ٴفيلمنىڭ باستى ٴرولىن ەربولات توعىزاقوۆ سومدايدى. ول 2013 جىلى قازاقستاندا “ەڭ ۇزدىك اكتەر” اتانسا، رەسەيدە “كينوشوك” كينوفەستيۆالىندە “ەڭ ۇزدىك ەر ادام ٴرولى” جۇلدەسىن يەلەنگەن.
   “وسكاردىڭ” شورت-پاراعى 2014 جىلدىڭ قاڭتارىندا جاريالاناتىن بولادى. ال ماراپاتتاۋ ٴراسىمى 2014 جىلدىڭ 2 ناۋرىزىندا لوس-اندجەلەستە وتەدى.
   ايتا كەتەيىك، وتكەن جىلى قازاقستاننىڭ اتىنان “وسكار” سىيلىعىنا اقان ساتايەۆتىڭ “جاۋجۇرەك مىڭ بالا” تاريحي داراماسى ۇسىنىلعانىمەن بايقاۋدىڭ شورت-پاراعىنا ىلىگە المادى.
   ال ەرمەك تۇرسىنوۆتىڭ 2010 جىلى “وسكارعا” ۇسىنعان “كەلىن” ٴفيلمى فەستيۆالدىڭ شورت-پاراعىنا كىرگەنىمەن، باس جۇلدە الا الماعان ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي