BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"ون ي ونا" ٴفيلمىنىڭ ٴۇزىندىسى كورسەتىلدى

 استانا. 25 شىلدە. baq.kz – پروكاتقا دايىندالىپ جاتقان "ون ي ونا" اتتى وتاندىق رومانتيكالىق كومەديانىڭ تانىستىرىلىمى ٴوتتى.

   بلوگەرلەر مەن جۋرناليستەر ٴۇشىن وتكىزىلگەن پرەزەنتاسياعا ٴفيلمنىڭ رەجيسسەرى - ساكەن جولداس، پروديۋسەرى - ٴاليا مەڭدىعوجينا، باستى ٴرولدى سومداۋشى اكتەر - جاندوس ايباسوۆ قاتىستى.
   پروديۋسەردىڭ ايتۋىنشا، ٴقازىر كارتينانىڭ دىبىسى مەن ٴتۇسى وڭتۇستىك كورەيادا وڭدەۋدەن وتۋدە. 1 تامىزدان باستاپ رەسمي ترەيلەرى جارىق كورەدى. ال 24 شىلدە كۇنى ٴفيلمنىڭ 15 مينۋتتىق ٴۇزىندىسى كورسەتىلدى.
   جوبانىڭ بيۋدجەتى شامامەن 300 مىڭ دوللاردى قۇرايدى. "ون ي ونا" كەيىپكەرلەرى ورىسشا-قازاقشا ارالاس سويلەيدى. ٴبىراق پروديۋسەر فيلم قازاق تىلىنە دە دۋبلياجدالاتىنىن ايتىپ ٴوتتى.
   فيلم قازىرگى زامانعى قالاداعى ماحاببات وقيعاسىن سۋرەتتەيدى. سيۋجەتتە قاراپايىم كۇن كەشىپ جاتقان الماتىلىق ستۋدەنت ارمانداعان قىزىنا مۇلدەم ۇقسامايتىن سۇلۋعا عاشىق بولىپ قالادى. مەلودرامادا باستى رولدەردى جاس اكتەرلەر جاندوس ايباسوۆ پەن دينارا باقتىبايەۆا سومداعان. سونداي-اق، بەلگىلى اكتەرلەردەن جاننا قۋانىشەۆا، باقىتجان الپەيىسوۆ، ٴانشى ايجان نۇرماعامبەتوۆا ٴتۇستى. پرەمەراسى 2013 جىلعى 12 قىركۇيەككە جوسپارلانعان. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي