BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«وفيسەر ابىرويى» اتتى تۇڭعىش اسكەري تەلەحيكايانىڭ ٴتۇسىرىلىمى اياقتالدى

استانا. 9 جەلتوقسان. baq.kz - قر قورعانىس مينيسترلىگىنىڭ تاپسىرىسىمەن ٴتۇسىرىلىپ جاتقان «وفيسەر ابىرويى» اتتى تۇڭعىش اسكەري تەلەحيكايانىڭ ٴتۇسىرىلىمى اياقتالدى.

تەلەحيكايانىڭ باستى كەيىپكەرى باتىر ەسىمدى جۋرناليست جىگىت. ونىڭ جەكە ٴومىرى ەڭ جاقىن ادامدارى مەن سۇيىكتىسىنىڭ ساتقىندىعىنىڭ كەسىرىنەن كۇل-تالقانى شىعادى. سوندا ول ٴوزىنىڭ ومىرىندە كۇرت وزگەرىس جاساپ اسكەرگە اتتاندى. اسكەري جول ونى اەروۇتقىر اسكەرلەرىنىڭ بولىمىنە الىپ كەلەدى.
تەلەحيكايا كورەرمەندەرىنە كەيىپكەرلەرمەن بىرگە قازاقستاندىق تەڭىز اسكەرىنىڭ بازاسى ورنالاسقان اقتاۋعا الىپ بارىپ، ٴوزىمىزدىڭ وتاندىق ۆەرفتە جاسالىپ شىعارىلعان اسكەري كەمەلەردى، قازاقستاندىق اۋە قورعانىسى كۇشتەرى ماماندارىنىڭ اسكەري ماشينالاردى اسپانعا كوتەرۋ ٴساتىن كورسەتەدى.
ٴفيلمنىڭ رەجيسسەرى فۋركات فايزيەۆ: - بٴىزدىڭ تەلەحيكايانىڭ ەرەكشەلىگى بۇل ٴجاي عانا ەپيزودتاردىڭ جيىنتىعى ەمەس. بۇل ادامنىڭ ٴوزىنىڭ تاعدىرىن ىزدەۋ باراسىندا وزگەرۋىن كورسەتەدى. تەلەحيكايادا 30 سەريا بويى باستى تاقىرىپ ادامنىڭ تاعدىرى، تاعدىردىڭ تالكەگىنە تۇسكەن ادامنىڭ سىنباي تۇلعا رەتىندە قايتا پايدا بولۋ تاريحى، اسكەري اعايىندىقتىڭ ارقاسىندا جاڭا قۇندىلىقتار مەن ادامكەرشىلىك كوزقاراستارعا يە بولعان ادامنىڭ ٴومىرى باياندالادى.
فيلم ٴار جاستاعى تەلەكورەرمەندەردى قىزىقتىرادى دەپ ويلايمىز. ەگدە جاستاعى كەڭەس اسكەرىنىڭ قۇرامىندا بولعان ادامدار جاس كەزىن، اسكەري دوستارىن ەسكە السا، ەگەمەن قازاقستان اسكەرىندە بورىشىن وتەگەندەر ٴوزىنىڭ اسكەري ۋاقىتى مەن قازىرگىنى سالىستىرۋعا مۇمكىندىك الادى. ال جاستار اسكەري ٴومىردى كورسە، شىتىرمان وقيعالاردى ۇناتاتىندار تەلەحيكايانىڭ جانكەشتى سيۋجەتىن، ال رومانتيكانى ۇناتاتىن نازىكجاندىلار قاۋىمى فيلمدەگى ماحاببات جەلىسىن ۇناتاتىنى انىق
، - دەيدى.
«وفيسەر ابىرويى» تەلەحيكاياسىندا جاس اكتەرلەر دە، تانىمال اكتەرلەر دە تۇسكەن. فيلمدە باستى ٴرولدى قاجىمۇقان قالىمبەتوم وينايدى. ال ونىڭ دوسى تىڭشى سەرگەيدىڭ ٴرولىن تانىمال كاسكادەر ولەگ ناۋموۆ سومدايدى. سونىمەن قاتار فيلم ەپيزودتارىندا شىنايى سپەسناز جاۋىنگەرلەرى مەن جاۋىنگەرلىك جەكپە-جەك شەبەرلەرى تۇسكەن.
فيلم قازاق جانە ورىس تىلىندە. كوشىلىك قاۋىمنىڭ نازارىنا 2014 جىلدىڭ كوكتەمىندە ۇسىنىلادى دەپ جوسپارلانۋدا.

 

اينۇر راكيشەۆا
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي