BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«كۇركە» اتتى جاڭا فيلم ٴتۇسىرىلىپ جاتىر (فوتو)

استانا. 19 شىلدە. baq.kz – رەجيسسەر كەنجەبەك شايقاقوۆ «كۇركە» اتتى درامالىق فيلم ٴتۇسىرىپ جاتىر. 

«ds فيلم» كينوستۋدياسى مەن «amanat» پروديۋسەرلىك ورتالىعى بىرلەسىپ ٴتۇسىرىپ جاتقان ٴفيلمىنىڭ سسەناريي اۆتورى ٴارى قويۋشى رەجيسسەرى كەنجەبەك شايقاقوۆ. ول كاسىبي كينونىڭ تالابىنا ساي ٴتۇسىرىلىپ جاتقان «كۇركە» ٴفيلمىنىڭ وزگە تۋىندىلاردان ەرەكشەلىگى ونىڭ قازاقى تىنىس-تىرشىلىكتى، قازاقى بولمىستى، اۋىل بالاسىنىڭ ٴومىرىن شىنايى كورسەتۋىندە دەدى.
اۋىلدا تاۋىق ۇرلاپ ٴىستى بولعان ساپار ەسىمدى جىگىت ارتىنان ىلەسكەن سوزدەن قۇتىلۋ ٴۇشىن مالشى بولىپ جالدانىپ تاۋعا كەتەدى. تاۋدا مال باعىپ ٴجۇرىپ ول قىرعىز ەلىنىڭ كىشكەنتاي ايشۇرۇك ەسىمدى مالشى قىزىمەن تانىسادى. ٴسويتىپ ول جالعىز ٴارى جانى جارالى قىزبەن ەكى ەلدىڭ شەكاراسىندا كۇركە تىگىپ تۇرىپ جاتادى. ەندى بۇلاردى ەشكىم دە قۋدالامايدى، ەشكىم دە مازالاي المايدى...
ٴفيلمنىڭ باستى رولدەرى قىرعىزستان ونەر ينستيتۋتىنىڭ ٴۇشىنشى كۋرس ستۋدەنتى زينات قىدىرمانوۆا مەن تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ ستۋدەنتى المات ەسىمگە بۇيىرعان.

فيلم كوپشىلىك قاۋىمنىڭ نازارىنا كەلەسى جىلدىڭ باسىندا ۇسىنىلادى. 

 

اينۇر راكيشەۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي