BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"كۇن ساقشىلارى" اتتى ميستيكالىق تەلەحيكايا ٴتۇسىرىلىپ جاتىر

 استانا. 24 شىلدە. baq.kz – «ەل ارنا» كورەرمەندەرىنە ارناپ «كۇن ساقشىلارى» اتتى شىتىرمان وقيعالى ميستيكالىق تەلەحيكايا ٴتۇسىرىپ جاتىر، دەپ حابارلايدى 24.kz.

   «اديگۋل» تەلەستۋدياسى ٴتۇسىرىپ جاتقان 16 سەريالى «كۇن ساقشىلارى» تۋىندىسىنىڭ كەيىپكەرلەرى – ومىردەن ٴوز ورىندارىن تاپپاي جۇرگەن جاستار. ٴفيلمنىڭ جەلىسى الماتىعا وقۋعا تۇسكىسى كەلەتىن اۋىل بالاسى ارنۇردىڭ توڭىرەگىندە ٴوربيدى. ارمانىنا جەتۋ جولىندا سىناقتان سۇرىنگەن ونى تاعدىر قالاداعى ٴدامحانالاردىڭ بىرىنە الىپ كەلەدى. الايدا اۋىلدا اكە داۋلەتىمەن ٴومىر ٴسۇرىپ جاتقان جىگىتتىڭ مۇنداعى زامانداستارىمەن ٴتىل تابىسۋى ەكىتالاي. ولاردى تەك ٴوز ەڭبەكتەرىمەن تابىس تاۋىپ، دەربەس ٴومىر سۇرۋگە دەگەن ۇمتىلىستارى عانا بىرىكتىرەدى.
   ٴفيلمنىڭ پروديۋسەرى «اڭىزدار كىتابى: قۇپيا ورمان» ٴفيلمى ارقىلى كوپشىلىك قاۋىمعا تانىس احات ىبرايەۆ بولسا، رەجيسسەرى كانادالىق قانداسىمىز سانجار سۇلتانوۆ.
   تەلەحيكايانىڭ باستى رولدەرى كوپشىلىككە تانىلىپ ۇلگەرەگەن ٴشارىپ سەرىك، ارتۋر تولەپوۆ، ارۋجان جازىلبايەۆا سىندى جاس اكتەرلەرگە بۇيىرعان.
احات ىبرايەۆ، پروديۋسەر، سسەناريي اۆتورى:
- ٴبىز جاي عانا جاستارعا ارنالعان سەريال ٴتۇسىرىپ قويماي، قىزىقتى اكتەرلەردى جيناپ، بىلىكتى سسەناريستى تارتىپ، ميستيكالىق، شىتىرمان وقيعالى تەلەحيكايا تۇسىرەمىز دەپ ۇيعاردىق. بۇعان دەيىن مۇنداي جوبا قازاقستاندا بولعان ەمەس.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي