BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كۇلاش بايسەيىتوۆانىڭ ومىرىنە ارنالعان تەلەحيكايا جەلتوقساندا كورسەتىلەدى

استانا. 20 قاراشا. baq.kz - كۇلاش بايسەيىتوۆانى ايگەرىم ۋالجانوۆا سومدايدى، - دەپ حابارلايدى kinostan.kz.

بۇگىنگى كۇنى قازاقتىڭ وپەرا ٴانشىسى كۇلاش بايسەيىتوۆانىڭ ومىرىنە ارنالعان 5 سەريالىق تەلەحيكايانىڭ ٴتۇسىرىلىمى باستالىپ كەتتى. حح عاسىردىڭ باسىندا وتەتىن وقيعالاردى ەكرانعا شىعارۋ ٴۇشىن ٴتۇسىرۋ توبى ٴقازىر سول كەزەڭنىڭ ارحيتەكتۋراسى ساقتالعان ورال قالاسىندا جۇمىس ىستەۋدە.
كۇلاش بايسەيتوۆانىڭ ٴرولىن اكتريسا ايگەرىم ۋالجانوۆا سومداسا، ونىڭ داۋىسىن استانا وپەرا تەاترىنىڭ ٴانشىسى ٴجاميلا جاركەنبايەۆا سالادى. باستى كەيىپكەردىڭ اناسىنىڭ ٴرولىن رايحان ايتقوجانوۆا، ال جارى اكتەر، رەجيسسەر قانابەك بايسەيىتوۆتىڭ ٴرولىن اقتاۋ مۋزىكالىق تەاترىنىڭ ٴارتىسى مەدعات ومىراليەۆ سومدايدى.
ايتا كەتەيىك، ٴفيلمنىڭ اۆتورلارى كۇلاشتىڭ 16 جاستاعى بويجەتكەن كۇنىنەن باستاپ 1957 جىلعا دەيىنگى ٴومىرىن تولىق قامتىلماقشى. تەلەحيكايانىڭ رەجيسسەرى جاسۇلان پوشانوۆ، پروديۋسەرى بايان ەسەنتايەۆا.
تەلەحيكايا جەلتوقسان ايىندا كوپشىلىك قاۋىمنىڭ نازارىنا ۇسىنىلادى دەپ جوسپارلانۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي