BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كوپتەن كۇتكەن «ۇندەستىك ساباقتارى» باستالدى

استانا. 6 جەلتوقسان. baq.kz - الماتى قالاسىندا قازاقستاندىقتار اسىعا كۇتكەن ەمير ٴبايعازيننىڭ «ۇندەستىك ساباقتارى» ٴفيلمىنىڭ تۇساۋكەسەرى ٴوتتى.

ٴفيلمنىڭ بارلىق ٴتۇسىرىلىم توبى «ۇندەستىك ساباقتارىن» 2013 جىلعى بەرليندەگى جەڭىسىنەن كەيىن قازاقستاندىق كورەرمەندەرگە كورسەتۋ بارىسىندا ەكىنشى رەت تولىق جينالىپ وتىر. ٴفيلمنىڭ رەجيسسەرى ەمير بايعازين كارتينانى تۇسىرۋگە قاتىسقاندارعا جانە «قازاقفيلم» كينوستۋدياسىنىڭ باسشىسى ەرمەك امانشايەۆقا ارنايى راحمەتىن ايتتى.
«ۇندەستىك ساباقتارىن» الەمدىك كينوفەستيۆالدەر مويىنداعاننان كەيىن 29 جاسار ەمير بايعازين لوكارنودا وتكەن كينوفەستيۆالدىڭ ٴادىل-قازىلار القاسىنىڭ مۇشەسى بولىپ، «بەرلينالە رەزيدەنسياسى» جوباسىنىڭ ستيپەندياسىن جەڭىپ ۇلگەردى.
كينوتانۋشى گۇلنار ابىكەەۆا: «كارتينا شىنايى وقيعانى باياندايدى. ەمير ٴبايعازيننىڭ بۇل تۋىندىسى كورەرمەننىڭ فيزيولوگيالىق سەزىمدەرىن تەربەيدى. مەن وزىمشە ونى كيم كي دۋكە تەڭەيمىن. كيم كي دۋكتىڭ دا كينولارىن كورۋ وڭاي ەمەس، الايدا كورىپ بولعاننان سوڭ ٴبىراز ويلانىپ قالاسىڭ. «ۇندەستىك ساباقتارى» دا ٴدال سولاي. ەڭ قىزىعى كينونى كورۋ بارىسىندا سەن ادام ولتىرگەن باستى كەيىپكەردىڭ جاقتاسى بولىپ وتىراسىڭ. سەن ونى جەك كورۋدىڭ ورنىنا ونى اقتايسىڭ. كارتينانىڭ كوركەمدىك كۇشى دە وسىدا»، - دەدى.
«ۇندەستىك ساباقتارى» ٴوز قاتارلاستارىنان ارانداتۋشىلىققا ۇشىراعان 13 جاسار مەكتەپ وقۋشىسىنىڭ تاعدىرىن باياندايدى. باستى رولدە بالالار ٴۇيىنىڭ تاربيەلەنۋشىسى تيمۋر ايداربەكوۆ وينايدى. ٴفيلمنىڭ سيۋجەتى بويىنشا ونىڭ كەيىپكەرى اسلان ەلىمىزدەگى اۋىلداردىڭ ٴبىرىنىڭ تۇرعىنى. كۇندەردىڭ ٴبىر كۇنىندە مەكتەپتە وتكەن ارنايى مەديسينالىق تەكسەرۋ ۋاقىتىندا سىنىپتاستارى ونى كەلەكە ەتەدى. سودان بەرى ول وز-وزمەن بولىپ، ىشتەي تۇيىقتالىپ قالادى.
ۋاقىت وتە كەلە اسلاندا پەرفەكسيونيزم دامىپ، ول تازالىققا قۇمار بولىپ كەتەدى. سونىمەن قاتار ول ٴوزىن مازاق ەتكەندەردەن كەگىن قايتارۋدىڭ جولىن ىزدەۋمەن بولادى. سول جولدا ول تاراقانداردى كىشىگىرىم ەلەكتر ورىندىعىندا قيناپ، ٴوز قولىمەن تاپانشا جيناپ شىعادى. كەيىنىنەن مەكتەپتە ميرسايىن ەسىمدى جاڭا وقۋشى كەلىپ، اسلاندى قورعاپ جۇرەدى. الايدا ونىڭ ول ٴىسى وزىنە قالاي اينالىپ كەلەرىنەن ول ٴالى بەيمالىم...
رەجيسسەردىڭ ايتۋى بويىنشا، فيلم بەلگىلى ٴبىر ەلگە ارنالماعان. بۇنداي وقيعا الەمنىڭ كەز-كەلگەن نۇكتەسىندە بولۋى مۇمكىن. «ۇندەستىك ساباقتارى» بۇل – ٴومىر سۇرۋگە دەگەن كۇرەسكە ارنالعان كارتينا.
«ۇندەستىك ساباقتارى» بەرلين كينوفەستيۆالىنىڭ ەڭ ۇزدىك وپەراتورلىق جۇمىس ٴۇشىن «كۇمىس ايۋ» مەن morgen post گازەتىنىڭ ارنايى سىيلىعىن يەلەنگەن. سونىمەن قاتار، ول الەمنىڭ ٴتۇرلى بەدەلدى كينوفەستيۆالدەرىنەن جەتى گران-پري، ۇزدىك باستاما، ۇزدىك رەجيسسۋرا، ۇزدىك اكتەرلىك ويىن جانە ۇزدىك وپەراتورلىق جۇمىس ماراپاتتارى مەن نەتپاك جۇلدەسىن، ٴادىل-قازىلاردىڭ ارنايى سىيلىقتارىن جەڭىپ العان.
«ۇندەستىك ساباقتارى» كارتيناسىن الەم بويىنشا كينوسىنشىلار مويىنداپ، الەمدىك the hollywood reporter، variety، screen daily، the village voice، los angeles times باسپالارى جوعارعى باعا بەرگەن تۋىندى.
ايتا كەتەيىك، فيلم قازاقستاندىق پروكاتقا تەك الماتى قالاسىنىڭ «ارمان» جانە «سەزار» كينوتەاترلارىندا عانا شىقتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي