BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كوكتەمدە شىعاتىن قازاقستاندىق فيلمدەر

استانا. 4 ناۋرىز. baq.kz – قىسقامەتراجدى فيلمدەردەن باستاپ تولىقمەتراجدى كوركەم فيلمدەرگە دەيىنگى ٴارتۇرلى جانرداعى 10 شاقتى فيلم 2015 جىلى قازاقستاندا وندىرىسكە جىبەرىلدى جانە كەيبىرى پوستپروداكشن كەزەڭىندە تۇر. ال ازىرشە وسى كوكتەمدە پروكاتقا شىعۋى ٴتيىس قازاقستاندىق فيلمدەردىڭ تىزىمىنە نازار اۋدارساق.

"ۇشەۋگە ارنالعان ۇيلەنۋ تويى". رەجيسسەرى - اسقار بيسەمبين.

رومانتيكالىق كومەديا ماسكەۋدە تۇرىپ "جۇمىس ىستەيتىن" تالانتتى سۋايت ازامات پەن ونىڭ بيزنەسمەن دوسى تيمۋر جانە ٴوزىنىڭ سۇيىكتىسىنە تۇرمىسقا شىققالى جۇرگەن سۇلۋ قىز ٴاليانىڭ باسىنان وتكەن وقيعالارى جايىندا. جىگىتتەردىڭ ٴبىرىنىڭ ۇيلەنۋ تويى جاقىنداعان كەزدە كۇتپەگەن جاعدايلار مەن ىڭعايسىز ساتتەر بولىپ، توي وتپەي قالا جازدايدى. لەنتا 5 ناۋرىزدان باستاپ پروكاتقا شىعادى.

"بۇكىل الەم ٴسىزدىڭ اياعىڭىزدىڭ استىندا". سالامات مۇحاممەد-الي.

فيلم اتاقتى قاراقشىنىڭ جيەنىنە عاشىق بولىپ، ٴوزى دە سول قىلمىستىق الەمنىڭ ٴبىر مۇشەسىنە اينالعان ٴاليا (قارلىعاش مۇحامەدجانوۆا) ەسىمدى جاس قىز تۋرالى باياندايدى. كارتيناعا تەڭ پروديۋسسەر بولعان ارماند اسسانتە سياقتى اتاقتى اكتەرلار قاتىستى. سونىمەن قاتار، فيلمگە "گەيشانىڭ عۇمىرناماسى"، "مورتال كومبات"، "حاتيكو" كارتينالارى ارقىلى تانىلعان جاپون اكتەرى كەري-حيرويۋكي تاگاۆا مەن قىتاي كينوسىنىڭ جۇلدىزى بولو يەنگ قاتىستى. كوپتەن كۇتكەن لەنتانى 26 ناۋرىزدان باستاپ كينوتەاترلاردان كورۋگە بولادى.

"قالا ىرعاعى". تۇرسىن قۇلاحمەتوۆ.

كارتينا بالالار ۇيىنەن شىققان رۋسلان (رينات مالساقوۆ) جايىندا، ول ومىردەن ٴوز ورنىن تابۋعا ۇمتىلادى. "قالا ىرعاعى" فيلمىندەگى باستى رولدەردە رەپەر ديلاني، داريا الەكساندروۆا، مۇرات وسپانوۆ پەن ەربول ايماشەۆ وينايدى. قازاقستاندىق "فورساج" 12 ناۋرىزدا پروكاتقا شىعادى.

"ويتكەنى شىمكەنتتىك". جانىبەك جانقارايەۆ.

لەنتا كوپشىلىك جاقتىرا بەرمەيتىن شىمكەنت تۇرعىندارىنىڭ اۋىر تاعدىرى تۋرالى. ترەيلەردە - كوپشىلىك ماقۇلداعان كول-كوسىر قالجىڭ. قازاقستاندىق رەجيسسەر جانىبەك جانقارايەۆتىڭ "ويتكەنى شىمكەنتتىك" ٴفيلمى 2 ساۋىردەن باستاپ پروكاتقا شىعادى.

"ۇيگە قايتار جول". راشيد سۇلەيمەنوۆ.

لەنتانىڭ سيۋجەتى بويىنشا باستى رولدەگى ماقسات تۋعان اۋىلىنا اعاسىنان قالعان مۇرانى الۋ ٴۇشىن بىرنەشە كۇنگە بارادى. "ۇيگە قايتار جول" ٴفيلمى 19 ناۋرىزدان باستاپ پروكاتقا شىعادى. كارتيناداعى باستى رولدەردە سانجار ماديەۆ پەن ارۋجان جازىلبەكوۆا وينايدى.

"كەنجە". ەرمەك تۇرسىنوۆ.

قازاقستاندىق "كەنجە" ٴفيلمى كىشكەنتاي كەزىندە اتا-اناسىنان ايىرىلعان اعايىندىلار جايىندا. اعايىندىلار اۋىلدارىنداعى بالالار ۇيىنە وتكىزىلەدى، ٴبىراق ولار ول جەردەن قالاعا قاشادى. جىلدار وتەدى، جىگىتتەر ادام ولتىرۋگە تاپسىرىس الىپ، اقشا تابادى. باستى كەيىپكەرلەر ساتقىندىققا، ٴتۇڭىلۋ مەن قاتىگەزدىككە تاپ بولادى. كارتينا پروديۋسەرى الەكساندر ۆوۆنيانكونىڭ ايتۋىنشا، "كەنجە" ناۋرىزدىڭ اياعى - ٴساۋىردىڭ باسىندا پروكاتقا شىعادى. ازىرشە ناقتى كۇنى بەلگىسىز.

"رەكەتير-2". اقان ساتايەۆ.

اتىشۋلى "رەكەتير" دراماسىنىڭ جالعاسى - 2015 جىلداعى كوپ كۇتتىرىپ جۇرگەن جوبالاردىڭ ٴبىرى. درامانىڭ باستى كەيىپكەرى سايان (سايات يسەمبايەۆ) ەكرانعا ورالادى. تاعدىر وعان ٴادىل جازاسىن الۋ ٴۇشىن ەكىنشى مۇمكىندىك بەرەدى. رەسمي تۇساۋكەسەر ٴساۋىر ايىندا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي