BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«كەلىن» تەلەحيكاياسى قاشان بىتەدى؟ (فوتو)

استانا. 2 ناۋرىز. baq.kz – بۇگىن «كەلىن» ٴۇندى تەلەحيكاياسىنىڭ باستى رولدەرىنىڭ ٴبىرى، شيۆا ٴرولىن سومداۋشى سيدحارت شۋكحلادان باق وكىلدەرى «كەلىن» تەلەحيكاياسىنىڭ قاشان بىتەتىندىگى تۋرالى سۇرادى.

- «كەلىن» ٴۇندىستاندا دا تانىمال جانە ۇزدىك تەلەحيكايالاردىڭ ٴبىرى دەۋگە بولادى. جۇرتتى قىزىقتىراتىنى - تەلەحيكايانىڭ سوڭى قالاي بىتەدى. مەن ايتار ەدىم، جوعارى رەيتينگ بەرەتىن تەلەحيكايانىڭ سوڭىن نە ٴۇشىن كۇتەسىزدەر؟ – دەپ قالجىن ارالاس جاۋاپ بەردى اكتەر.

«قازاقستان» رەسپۋبليكالىق تەلەراديوكورپوراسياسى ٴتورايىمىنىڭ ٴبىرىنشى ورىنباسارى ٴلاززات ٴجۇنىسوۆا:
- «كەلىن» تەلەحيكاياسىنىڭ كورسەتىلىمىنە بايلانىستى ايتار بولسام. ٴبىز جاڭا تەلەۆيزيالىق ماۋسىمنىڭ باستالۋىن كۇتەمىز. سەبەبى قاشان دا كورەرمەندەرىمىزدىڭ قىزىعۋشىلىعىنا قارايمىز. ەگەر ول ٴبىز كۇتكەن رەيتينگتەرگە جەتە السا كورسەتىلىم جالعاسا بەرەدى، ەگەر رەيتينگى تومەندەسە ونى تاعى دا تالقىلايتىن بولامىز. قازىرگى ۋاقىتتا اتالمىش ٴفيلمنىڭ قاتەلەسپەسەم 1300-گە جۋىق سەرياسى كورسەتىلدى. ال ٴۇندىستاندا ول 2-3 ەسە كوپ سەرياسى كورسەتىلىپ كەتتى. ونىڭ بيۋدجەتى كوممەرسيالىق قۇپيا. ٴبىراق ٴبىز ونى تىكەلەي وندىرۋشىلەردەن الىپ جاتقاندىقتان ونىڭ قۇنى تۇرىك سەريالدارىنان الدەقايدا ارزان. مىسالى اشىق اقپارات كوزدەرىنە سۇيەنە وتىرىپ ايتاتىن بولساق «سۇلتان سۇلەيمەن» ٴفيلمىنىڭ ٴوندىرىسى سەرياسىنا 600 مىڭ دوللار تۇرعان. ال قازاقستاندا سەريالداردىڭ ٴتۇسىرىلىمى ازىرشە 25-30 مىڭ دوللار اياسىندا. ٴۇندىستاندا دا وسى شاماسىندا، - دەپ اتاپ ٴوتتى.

ايتا كەتەيىك، سيدحارت شۋكحلا 27 اقپان كۇنى استانا قالاسىنا اناسى ريتا شۋحلامەن بىرگە كەلگەن بولاتىن.

 

اينۇر راكيشەۆا، عابيت ماداليەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي