BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«كەلىن»-«شال»-«كەنجە» تريلوگياسىنىڭ سوڭعى ٴفيلمى جارىققا شىقتى (فوتو، ۆيدەو)

استانا. 1 ٴساۋىر. baq.kz - استانادا رەجيسسەر ەرمەك تۇرسىنوۆتىڭ «كەنجە» ٴفيلمىنىڭ تۇساۋكەسەرى ٴوتتى.

اتالمىش فيلم «كەلىن» - «شال»-«كەنجە» تريلوگياسىنىڭ سوڭعى ٴفيلمى.

- بۇل شىعارما ٴۇش قادامنان تۇرادى. ٴبىرىنشى قادام «كەلىن». ول ٴبىزدىڭ ارعى كونە تاريحىمىز، «شال بۇگىنگى زامانىمىز. ال مىنا «كەنجە» دەگەنىمىز مەنىڭ ەلەسىم. ونى كورگەن ادامدا ٴبىزدى الدىمىزدا نە كۇتىپ تۇر، كەتىپ بارا جاتقان بالانىڭ بولاشاعى قانداي بولادى، ول قايدا بارا جاتىر جانە ونى نە كۇتەدى دەگەن سىندى سۇراقتارى تۋىندايدى. ارينە بۇل ٴۇش قادام ٴار ٴتۇرلى. بىر-بىرىنە ۇقسامايدى. ٴبىراق بىلاي قاراساڭ بۇل ٴبىرتۇتاس دۇنيە. بۇل ٴبىزدىڭ حالقىمىزدىڭ، ەتنوسىمىزدىڭ تاريحى. بۇل 7 جىل جاسالعان دۇنيە. ال سسەناريي رەتىندە جاتقانىنا 10 شاقتى جىلدان اسىپ كەتكەن. بۇل كينولاردى بولەك تە كورۋگە بولادى، بىرىكتىرىپ تە كورۋگە بولادى. ال نەگىزى ٴبىرتۇتاس نارسە، - دەدى رەجيسسەر ەرمەك تۇرسىنوۆ.

سونىمەن قاتار «كەنجە» كارتيناسىنىڭ نەگىزىنەن جاستارعا ارنالعاندىعىن ايتقان رەجيسسەر ««كەلىن» جانە «شال»فيلمدەرىندە تاۋلار جانە بەتپاق دالانى كورسەتتىم. ال بۇل فيلمدە قالا تاقىرىبىن قوزعادىم. «كەنجە» كارتيناسى نەگىزىنەن جاستارعا ارنالعان. ويتكەنى وندا ەكشن قويىلىمدار كوپ» دەپ اتاپ ٴوتتى.

«كەنجە» ٴفيلمىنىڭ ٴتۇسىرىلىم جۇمىستارى قازاقستاندا، سونىمەن قاتار يسپانيا جانە تايلاند ەلدەرىندە جۇرگىزىلدى. ٴفيلمنىڭ ٴتۇسىرىلىم جۇمىستارىنا تاجىريبەسى مول قازاقستان، رەسەي، اقش، ۆەنگريا جانە باسقا دا مەملەكەتتەردىڭ ۇزدىك ماماندارى شاقىرىلعان. ٴفيلمنىڭ ەكشن قويىلىمدارىن جۇزەگە اسىرۋ ٴۇشىن قازاقستاندىق جايداربەك كۇنعوجينوۆتىڭ تانىمال «نوماد» اتتى كاسكادەرلىك توبى تارتىلعان.

ال فيلمدەگى باستى كەيىپكەرلەردىڭ ٴرولىن وتاندىق كينوجۇلدىزداردان اكتەر جاندوس ايباسوۆ پەن اينۇر نيازوۆا سومداسا، شەتەلدەن شاقىرىلعان اكتەرلەردەن «ۆيي»، «ماما-دەتەكتيۆ» فيلمدەرى ارقىلى تانىمال ولگا زايسەۆا، «ودنا ۆوينا»، «زولوتوي زاپاس» سىندى فيلمدەردىڭ باستى اكتەرلەرىنىڭ ٴبىرى ميحايل حمۋروۆ پەن كەزىندە «جاۋجۇرەك مىڭ بالا» ٴفيلمى ارقىلى ەلىمىزگە تانىمال ەدۋارد وندار وينادى.

ٴفيلمنىڭ كومپوزيتورى – قۋات شىلدەبايەۆ، قويۋشى سۋرەتشى – «شال»، «عالامتورداعى ماحاببات»، «ەلەس قۋعان سايىپقىران» فيلمدەرىندەگى جۇمىستارىمەن تانىمال بوپەش جاندايەۆ.

ايتا كەتەيىك، شاكەن ايمانوۆ اتىنداعى «قازاقفيلم» اق جارىققا شىعارعان، رەجيسسەر ەرمەك تۇرسىنوۆتىڭ تريلوگياسىنىڭ ٴۇشىنشى ٴفيلمى «كەنجە» كينوتۋىندىسى 2 ساۋىردەن باستاپ جالپىۇلتتىق پروكاتقا شىعادى.

 

اينۇر راكيشەۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي