BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازىعۇرتتىڭ باۋرايىندا جاڭا فيلم ٴتۇسىرىلىپ جاتىر

استانا. 2 قىركۇيەك. baq.kz – قازاق اۋىلىن ەش بوياماسىز كورسەتۋ – ٴفيلمدى تۇسىرۋدەگى ماقسات. كوركەم فيلم وڭتۇستىك قازاقستان وبلىسىنداعى قازىعۇرت تاۋلارىنىڭ باۋرايىندا تۇسىرىلەدى. 

فيلم اۆتورلارى مەن پروديۋسەرلەرى قازىعۇرت تاۋلارىن تاڭداپ الۋى تەگىن ەمەس. قازاقىلىعى باسىم ٴارى داستۇرگە جەتىك اۋىل حالقى مەن قازىعۇرتتىڭ كوركەم تابيعاتى فيلمگە ٴار بەرەتىنىن اڭعارعان بولۋى كەرەك. كارتينانى تۇسىرۋدە «ds فيلم» كينوستۋدياسى مەن «امانات» پروديۋسەرلىك ورتالىعى بىرلەسىپ جۇمىس ىستەپ جاتىر.

فيلم ناقتى تاريحقا سۇيەنە وتىرىپ تۇسىرىلەدى. سيۋجەت بويىنشا باستى كەيىپكەر تاۋىق ۇرلاعانى ٴۇشىن شارتتى تۇردە جازالانادى. اۋىل تۇرعىندارى اراسىندا تۇرۋعا ارى شىداماي، قازاقستان مەن قىرعىزستان شەكاراسىندا ورنالاسقان تاۋلى ايماقتاعى اۋىلعا كوشىپ كەتەدى. وسى جەردە قويشى بولىپ جۇمىسقا كىرەدى. كوپ وتپەي بالا كۇنىنەن قيىندىق كورىپ وسكەن جاس قىزبەن تانىسادى. جاستاردىڭ اراسىندا ماحاببات سەزىمى ويانىپ، شاڭىراق كوتەرەدى. اۋىل شەتىندە كۇركە سالىپ، باقىتتى عۇمىر سۇرە باستايدى. ولار وزدەرىن الەمدەگى ەڭ باقىتتى ادامدار سەزىنەدى.

اۆتورلار «شالاش» فيلمىمەن حالىقارالىق فەستيۆالدەرگە قاتىسۋدى ۇيعارىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي