BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقتىڭ ەڭ اتاقتى 50 ٴفيلمى مەرەيتويلارىن اتاپ وتەدى

 استانا. 3 اقپان. baq.kz - بيىل قازاقتىڭ 50 ٴفيلمىنىڭ مەرەيتويلارى اتالىپ وتپەك. ەڭ نەگىزگىلەرىن ، «اباي اندەرىنىڭ» شىققانىنا 70 جىل، ايگىلى «قىز جىبەككە» 45 جىل. بەرگىدەن ٴسوز ەتسەك، «كوشپەندىلەرگە» 10 جىل، «ٴسىز كىمسىز، ك مىرزا؟» كارتيناسىنا 5 جىل. ٴبىراق كينوسىنشىلار 50 ٴفيلمنىڭ ٴبارىنىڭ مەرەيتويلارى اتالىپ وتۋىنە قارسى. سەبەبى، تىزىمدەگىلەردىڭ تەڭ جارتىسى عانا جارامدى ساناتتاعى تۋىندىلار ەكەن. ول قانداي فيلمدەر؟

 گۇلنار ابىكەەۆا، كينوتانۋشى:

-شىنىن ايتسام، 60-شى جىلعا دەيىنگى قازاقتىڭ جەكە ۇلتتىق كينوسى بولعان جوق. بولسا دا كەڭەس يدەولوگياسىن دارىپتەۋدەن اسپادى. ال ٴ70-شى جىلداردان باستاپ ۇلتتىق كينومىز دامىدى. مىنە، وسى كەزدە ناعىز قازاق كينوسى شىقتى. سونىڭ ٴبىر دالەلى – «قىز جىبەك».

كينوتانۋشى «قىز جىبەكتىڭ»، اسىرەسە، اكتەرلەرىنە مامان رەتىندە ٴتانتى بولعانىن ايتادى. ول مۇنى رەجيسسەردىڭ كورەگەندىگىنە بالايدى. ونىڭ ۇستىنە بۇل ٴفيلمدى جاساۋعا رەجيسسەر سۇلتانبەك قوجىقوۆپەن بىرگە قازاقتىڭ كىلەڭ مىقتىلارى قاتىسقان. ماسەلەن، سسەناريى عابيت مۇسىرەپوۆتىكى، اۋەن مەن ٴان ماتىندەرى نۇرعيسا تىلەنديەۆ پەن ٴقادىر مىرزا-الىنىكى، سۋرەتشىسى گۇلفايرۋز ىسمايىلوۆا. «قىز جىبەك» «ماحابباتتان ماحاببات تۋدىرعان» دەگەن تاعى ٴبىر اتاۋعا يە. ونىڭ سەبەبى - باستى رولدەردى سومداعان مەرەۋەرت وتەكەشوۆا مەن قۇمان تاستانبەكوۆتىڭ ٴتۇسىرۋ جۇمىسى بىتە سالىسىمەن شاڭىراق كوتەرۋى.

 «گاۋھارتاس» ٴفيلمى  كەڭەس كەزىندەگى ۇجىمشار تىرشىلىگىن سۋرەتتەيدى. دەسە دە، مۇندا ماحاببات تاقىرىبىنا باسىمدىق بەرىلگەن. كارتينا الەمنىڭ 50-گە جۋىق ەلىندە انشلاگپەن كورىلگەن ەكەن.

نۇرلان سانجار، سسەناريست:

- جالپى، قازاق كينوسى ٴ70-شى جىلدارى شارىقتادى. ٴ80-شى جىلعا دەيىن تۇراقتىلىق ساقتاپ تۇردى. وندا دا تەك شاكەن ايمانوۆتىڭ ارقاسىندا عانا. ودان كەيىن تومەندەپ كەتتى. ٴسويتىپ، 90-شى جىلدارى اۆتورلىق كينولار قاپتادى. ارينە، ول كەزدىڭ سەبەبى دە تۇسىنىكتى عوي. ٴقازىر ەندى ەس جيىپ جاتقاندايمىز. ٴبىراق شاتاسۋ كوپ، تاقىرىپتىق اۋقىمدىلىق جوق.

اۋقىمدىلىق جوق دەسەك تە، 2000-شى جىلدان باستاپ، وتاندىق كينونارىقتا مەيلىنشە تالپىنىس جاسالدى. ناتيجەسىندە بيىل مەرەيلى 10 جىلدىقتى باستاپ ٴتىزىم باسىندا «كوشپەندىلەر» كارتيناسى تۇر. سوسىن «ٴسىز كىمسىز، ك مىرزانىڭ؟» 5 جىلدىعىن اتالىپ وتپەك. جالپى، بيىلعى مەرەيتويلار 50 ٴفيلمنىڭ ەنشىسىندە. دەگەنمەن كينوسىنشىلار ونىڭ جارتىسىنان استامى ەل ەسىندە قالماعان، ٴجاي عانا ٴتىزىم تولتىرۋ ٴۇشىن جاسالعان دەپ وتىر.

 

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي