BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقتىڭ داڭقتى باتىرى ب.مومىش ۇلى تۋرالى تەلەسەريال تۇسىرىلۋدە

 استانا. 28 تامىز. baq.kz- الماتى وبلىسىندا قازاقتىڭ داڭقتى باتىرى باۋىرجان مومىش ۇلى تۋرالى تەلەسەريال ٴتۇسىرىلىپ جاتىر. تەلەحيكايادا باتىردىڭ جەكە ٴومىرى، گەنەرال پانفيلوۆپەن العاش كەزدەسۋى، ايگىلى 316-شى اتقىشتار ديۆيزياسىنىڭ قۇرىلۋى جان-جاقتى سۋرەتتەلگەن. تاريحي تۋىندىنى «جاۋ جۇرەك مىڭ بالا» ٴفيلىمىنىڭ رەجيسسەرى اقان ساتايەۆ تۇسىرۋدە.

 باۋىرجان مومىش ۇلىنىڭ ٴرولىن سوماداۋ جاس اكتەر ەركەبۇلان دايىروۆقا بۇيىرىپتى.

ەركەبۇلان دايىروۆ، اكتەر:

- ٴالى كوزىن كورگەن حالقى بار، ەلى بار، جۇرتى بار باتىردى، ارينە، حالىقتىڭ الدىنا سول بۇرىنعى باۋىرجان قىلىپ الىپ شىعۋ، ارينە، قيىن. مەن دوكۋمەنتالدىق فيلمدە ول كىسىنىڭ كوز قاراسىن، ٴتىپتى، قاي قولىمەن تەمەكى شەكتى، قالاي ٴجۇردى، كوزىنىڭ وتكىرلىگىنە دەيىن زەرتتەپ، قولىمنان كەلگەنشە سونى جاساپ باعۋعا، ىستەۋگە تىرىستىم.

ال باتىردىڭ جارى جامالدى – اسەل ساعاتوۆا ويناپ شىقپاق. سەريال جەلىسى بويىنشا ول جۇكتى. ىشىندە جەتى ايلىق نارەستەسى بار. باستى كەيىپكەردىڭ ٴبىرى – گەنەرال-مايور پانفيلوۆ. ول ٴوزىنىڭ ايگىلى اۆتوكولىگىنىڭ جانىندا باۋىرجانعا سويلەيتىن ٴسوزىن جاتتاپ ٴجۇر.

سەريال قاراپايىم اۋىل مەكتەبىندە تۇسىرىلۋدە. ٴقازىر مۇندا داڭقتى قولباسشى جاۋىنگەرلەرىن سوعىسقا دايىنداپ جاتىر. توزىعى جەتكەن مەكتەپ ٴ41-شى جىلعى سوعىس كومميسارياتىنا ۇقساپ-اق تۇر. تەرەزە، ەسىگى بارلىعى قيسايعان. ال ۇستازدارى مەن وقۋشىلارىن كينوگەرلەر ارتىستەرگە اينالدىرىپتى.

1 ايدان سوڭ ٴتۇسىرىلىم توبى ماسكەۋگە اتتانادى. وندا باتىر باۋىرجان ۆولوكولام تاس جولىن قورعايدى. سسەناريي بويىنشا جاۋدى جاعادان الۋعا ەركەبۇلان دا دايىن. تۇڭعىش تاريحي تەلەسەريالدى كورەرمەن وسى جىلى كورە باستايدى. اقان ساتايەۆ تۋىندىنى قازاقتىڭ تاۋەلسىزدىك كۇنىنە ارنايمىن دەپ وتىر.

اقان ساتايەۆ، رەجيسسەر:
- بۇل كينونى جەلتوقساندا قازاقتىڭ تاۋەلسىزدىك كۇنى كورسەتۋدى جوسپارلاپ وتىرمىز. ەندى كورەرمەننىڭ كوڭىلىنەن شىعا ما، شىقپاي ما؟ ارينە، ٴبىز بۇل كينومىزدى كورەرمەننىڭ كوڭىلىنەن شىعۋى ٴۇشىن بار كۇشىمىزدى سالامىز.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي