BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقتىڭ بۇل-بۇل كۇلاشى كورەرمەنىمەن قايتا قاۋىشپاق

استانا. 23 قازان. baq.kz – بايان ەسەنتايەۆا قازاقتىڭ بۇل-ب ۇلى، ايگىلى وپەرا ٴانشىسى كۇلاش بايسەيىتوۆا جايلى سەريال ٴتۇسىرۋدى قولعا الماقشى.

بەلگىلى پروديۋسەر ٴارى تەلەجۇرگىزۋشى بايان ەسەنتايەۆا 12 سەريالى ٴفيلمدى تۇسىرەتىن الاڭدى دايارلاۋ ٴۇشىن ورالعا كەلدى. پروديۋسەردىڭ شىعارماشىلىق ۇجىمى قالا ورتالىعىندا ورنالاسقان ٴبىرقاتار عيماراتتاردى قاراپ شىقتى. ولاردىڭ اراسىندا وبلىستىق فيلارمونيانىڭ كونسەرت زالى دا بار.
كۇلاش بايسەيىتوۆا تۋرالى سەريال جۇرت نازارىنا بيىلعى جىلدىڭ سوڭىندا العاش رەت ۇسىنىلادى. «حابار» اگەنتتىگىنىڭ باعدارلامالىق ٴبولىمىنىڭ ديرەكتورى ساندۋعاش راقىمجانوۆانىڭ ايتۋىنشا، سەريال ورال قالاسىندا تۇسىرىلەدى.
«جاڭا ماۋسىمدا تاريحي فيلمدەر ٴتۇسىرۋدى قولعا الماقپىز. اتتارى اڭىزعا اينالعان باۋىرجان مومىش ۇلى مەن كۇلاش بايسەيىتوۆا جايلى سەريالدار جۋىق ارادا كورەرمەنگە ۇسىنىلادى. ٴقازىر بايان ەسەنتايەۆا تاجىريبەلى جۇمىس توبىمەن بىرگە كۇلاش بايسەيىتوۆا جايلى فيلم ٴتۇسىرۋدى قولعا الدى. بۇل سەريال ورال جانە ماسكەۋ قالالارىندا تۇسىرىلەدى»، - دەيدى س.راقىمجانوۆا.
ٴفيلمنىڭ رەجيسسەرى «جۇلدىزعا ارنالعان كوكتەيل» جانە «جەل قىزى» كارتينالارىمەن جۇرتشىلىققا تانىس جاسۇلان پوشانوۆ. ازىرگە باستى رولدەردە وينايتىن اكتەرلەر بەكىتىلمەگەن.

 

عابيت قاراباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي