BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاننىڭ كينوقورجىنى بوەۆيك جانرىنداعى فيلممەن تولىقتى

استانا. 28 ٴساۋىر. baq.kz – قازاقستاننىڭ كينو سالاسى جاڭا تۋىندىمەن تولىعىپ وتىر. 2015 جىلدىڭ 30 ساۋىرىنەن باستاپ وتاندىق كينوسۇيەر قاۋىم شىمكەنتتە تۇسىرىلگەن «13 رەگيون» ٴفيلمىن تاماشالاي الادى.  

فيلم اۆتورى – ومار سۇڭقار، ۇزاقتىعى 95 مينۋت، ياعني تولىقمەتراجدى كوركەم فيلم. باستى رولدەردى ومار سۇڭقار، مەيرامحان سۋنناتيللايەۆ جانە عاني نۇرجىگىتوۆ سومدايدى.

كينو جەلىسى وڭتۇستىك قازاقستان وبلىسىندا ٴوربيدى. جەرگىلىكتى قىلمىس الەمىنىڭ سەركەسى باعدات ەسىمدى جىگىت ەسكى دوستارىنىڭ بىرىنەن قالادا دايىندالىپ جاتقان جاپپاي تارتىپسىزدىكتەر مەن قىلمىستار جايىندا ەستيدى. جاعدايدى بىلە تۇرا ٴۇنسىز قالۋدى ٴجون كورمەگەن ول وسىناۋ وقيعالاردىڭ الدىن الماق بولعان. الايدا، بۇل ٴىستىڭ ارتىندا ارنايى قىزمەتتىڭ وكىلدەرى تۇرعان ەدى. قانشاما ادامنىڭ تاعدىرى وزىنە قاراپ تۇرعانىن بىلگەن باعدات قوعامداعى ادىلەتسىزدىكپەن جانە تارتىپسىزدىك جاساماق بولعاندارمەن كۇرەسىپ، ومىردەگى ٴوز جولىنا وزگەرىستەر ەنگىزەدى. ٴفيلمنىڭ ايتارى دا وسى، ياعني، جاقسىلىق ٴاردايىم جاماندىقتى جەڭەدى.

ايتا كەتەيىك، بۇل شىمكەنت جايىندا تۇسىرىلگەن العاشقى فيلم ەمەس. بۇعان دەيىن جاس رەجيسسەر جانىبەك جانقارايەۆتىڭ «پوتومۋ چتو شىمكەنتسكيي» كينوكارتيناسى وتاندىق كينوتەاترلاردان كورسەتىلگەن بولاتىن. فيلم اۆتورى اتالعان كينونىڭ شىعىننان بولەك اجەپتەۋىر تابىس الىپ كەلگەندىگىن ايتتى. 

 

دانا ساعىنبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي