BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاننىڭ حالىق ٴارتىسى دۇنيەدەن وزدى

استانا. 24 قازان. baq.kz - 23 قازان الماتىدا 75 جاسىندا قازاقستاننىڭ حالىق ٴارتىسى، تەاتر جانە كينو سالاسىن مايتالمانى قارعامباي ساتايەۆ دۇنيەدەن وزدى، - دەپ حابارلايدى كتك تەلەارناسى.

ەڭبەك جولىنىڭ جارتىسىن تەاتر سالاسىنا ارناعان ونەر يەسى ۇزاق ۋاقىت قاراعاندى دراما تەاترىنىڭ ساحناسىندا ويناعان. ول «اقان سەرى»، «ابىلاي حان»، «سىرىم دات ۇلى» سپەكتاكلدەرىندە باستى رولدەردى ويناپ كوزى قاراقتى كورەرمەننىڭ ىقىلاسىنا بولەنسە، «باتىر بايان»، «اق ٴۇي»، «كريك»، «كوكسەرەك» فيلمدەرى ارقىلى شەبەرلىگىمەن ەرەكشەلەنگەن. ول تۇسكەن اتالمىش شىعارمالاردىڭ بارلىعى ٴقازىر تاريحي قۇندىلىق بوپ تابىلادى جانە كينو سالاسىنىڭ التىن قورىندا ساقتالعاندىعىن ايتا كەتكەن ٴجون.
مارقۇمدى شىعارىپ سالۋ بۇگىن وتەدى.
قارعامباي ساتايەۆ قازاقستاننىڭ بەلگىلى رەجيسسەرى اقان ساتايەۆتىڭ اكەسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي