BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىقتاردى وتاندىق تەلەحيكايالار كوبىرەك قىزىقتىرادى

استانا. 2 ناۋرىز. baq.kz – قازاقستاندىقتاردى وتاندىق تەلەحيكايالار كوبىرەك قىزىقتىرادى، - بۇل جونىندە باق وكىلدەرىمەن كەزدەسۋ بارىسىندا «قازاقستان» رەسپۋبليكالىق تەلەراديوكورپوراسياسى ٴتورايىمىنىڭ ٴبىرىنشى ورىنباسارى ٴلاززات ٴجۇنىسوۆا ايتتى.

 - «قازاقستان» كورپوراسياسى 2009 جىلى العاشقى سەريالىن شىعارعان بولاتىن. ول التى سەريادان تۇراتىن «اعايىندىلار» سەريالى ەدى. وتكەن جىلى ٴبىز 8 سەريال شىعاردىق. ونىڭ بارلىعى 241 ەپيزودتان تۇردى. ٴقازىر قازاقستاندا ٴبىز وتاندىق تەلەحيكايالاردىڭ ەڭ ۇلكەن كينوتەكاسى بار ارنا بولىپ وتىرمىز. بارلىعى ٴبىزدىڭ كينوتەكادا 900 ەپيزود جانە 41 سەريال بار. وزدەرىڭىز بىلەتىندەي شەتەلدىك تەلەحيكايالار قازىرگى ۋاقىتتا «قازاقستان» ۇلتتىق ارناسىنىڭ 11 پايىزىن عانا قۇرايدى. ول «كەلىن» تەلەحيكاياسى. قازىرگى ۋاقىتتا تەلەارنا ٴوزىمىزدىڭ ٴونىمنىڭ سانىن ارتتىرۋدا كوپ جۇمىس جاساپ جاتىرمىز. بۇگىنگى كۇنى قازاقستاندىق تەلەحيكايالار سالاسى ەندى دامىپ كەلە جاتسا دا، شەتەلدىك فيلمدەرگە باسەكەگە تۇسە الاتىنداي دارەجەگە جەتىپ وتىر. بۇگىن ەرەكشە كۇن دەپ ايتۋعا بولادى، ويتكەنى «قارا شاڭىراق» تەلەحيكاياسىنىڭ سوڭعى سەرياسى كورسەتىلەدى. «قارا شاڭىراق» وتە جوعارعى كورسەتكىشتەرگە يە بولدى. ٴوزىمدىڭ جۇرگىزىپ وتىراتىن ارنايى ساراپتامالىق كەستە بويىنشا «قارا شاڭىراقتىڭ» «كەلىن» سەريالىنان دا رەيتىنگى اسىپ كەتىپ جاتقان كەزدەر بولدى. كوپشىلىكتىڭ سۇيىكتى سەريالىنا اينالىپ ۇلگەرگەن «كەلىن» سەريالىن ٴبىز 2،5 جىل كورسەتىپ كەلەمىز. الايدا حالىققا ٴوزىمىزدىڭ وتاندىق وتباسىلاردىڭ حيكاياسى قىزىعىراق ەكەندىگى بايقالادى. جانە ٴبىزدىڭ كورسەتكىشتەر ونى دالەلدەپ وتىر. ەرتەڭ 3 ناۋرىز كۇنى «سىرعالىم» تەلەحيكاياسىنىڭ ەكىنشى ٴبولىمىنىڭ پرەمەرالىق كورسەلىمى باستالادى. «سىرعالىم» وتكەن جىلى كورىلۋى بويىنشا جاقسى كورسەتكىشتەرگە يە بولعان. ەكىنشى ٴبولىمىن دە حالىق قىزىعۋشىلىقپەن قارايدى دەپ سەنەمىز، - دەدى ل.ولجابايقىزى.

 

 

ا.راكيشەۆا، ع.ماداليەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي