BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قازاقستاندىقتار – ۇلى جەڭىس قاھارماندارى» اتتى بەينەەنسيكلوپەديا كورسەتىلەدى

استانا. 3 مامىر. baq.kz - ۇلى جەڭىستىڭ 70 جىلدىعىنا وراي «نۇر وتان» پارتياسى «ارداگەرلەردى ارداقتايىق» جوباسى اياسىندا ەۋرازيالىق توپپەن (erg) بىرگە «استانا» ارناسىندا الداعى اپتادان باستاپ قازاقستاندىق قاھارماندار تۋرالى بەينەەنسيكلوپەديا كورسەتەدى.  

بەينەەنسيكلوپەديانىڭ ماقساتى – قازاقستاندىق باتىرلاردىڭ ەكىنشى دۇنيەجۇزىلىك سوعىس جىلدارىنداعى ەرلىكتەرىن پاش ەتۋ.
ايتا كەتەيىك، وتكەن عاسىردىڭ ەڭ الاپات قاساپ قىرعىنىنا قازاقستاننان 1 ميلليون 200 مىڭ ادام قاتىستى. ياعني، ەلىمىزدىڭ ٴاربىر ٴتورتىنشى تۇرعىنى مايدانعا نەمەسە ەڭبەك اسكەرىنە شاقىرىلدى. سوعىس دالاسىنان ٴاربىر ەكىنشى وتانداسىمىز قايتپاي قالدى. ونىڭ ىشىندە، 530 قازاقستاندىق كەڭەس وداعىنىڭ باتىرى اتانسا، 9-ى «حالىق قاھارمانى» ماراپاتىنا يە بولدى.
بۇل جوبا قازاق جانە ورىس تىلدەرىندەگى 140 قىسقامەتراجدى دەرەكتى فيلمدەر توپتاماسىنان قۇرالعان جانە ٴارقايسىسىنىڭ ۇزاقتىعى 7-8 مينۋتتى قۇرايدى.
ال، بىرەگەيلىگىنە كەلسەك، مۇندا تۇڭعىش رەت بارشا قازاقستاندىق باتىرلاردىڭ عۇمىرنامالىق تاريحى جيناقتالعان. سونىمەن قاتار، روليكتەردە سوعىس كەيىپكەرلەرىنىڭ مايدانعا دەيىنگى جانە كەيىنگى تىرشىلىگى دە كورسەتىلەدى.
ونى ىسكە اسىرۋ ٴۇشىن سسەناريستەر مەن رەجيسەرلەردىڭ كاسىبي توپتارى تارتىلىپ، تاريحشى كەڭەسشىلەردىڭ پىكىرلەرى ەسكەرىلدى. تاعى ٴبىر قىزىقتى تۇس، وندا قازاق ٴان ورىنداۋشىلارىنىڭ سوعىس جىلدارىنداعى مۋزىكالىق تۋىندىلارى پايدالانىلعان. ەپيزودتاردا مۇراعاتتىق كادرلارمەن قاتار 2d جانە 3d گرافيكالى ۆيزۋالدىق ەففەكتىلەر قولدانىلدى.
سەريالاردى ٴتۇسۋرى بارىسىندا «نۇر وتان» پارتياسى جيناعان مالىمەتتەر – قۇجاتتار، قاھارماندار حاتتارى، ماراپات قاعازدارى، كينوحرونيكالار كادرلارى مەن مۇراعاتتىق سۋرەتتەر، ەنسيكلوپەديالار، تاريحي ادەبيەتتەر، مەرزىمدى ٴباسپاسوز ماتەريالدارى جانە باسقا دا دەرەك كوزدەرى پايدالانىلدى.
بەينەروليكتەردى ازىرلەۋدە قازاقستاندىق كەڭەس وداعى باتىرلارىنىڭ جەكە ىستەرى مەن ومىرلىك جولدارى قايتا سارالانىپ، جەتەكشى تاريحشىلار تاراپىنان شىنايىلىق تۇرعىسىنان سالماقتالدى.
بۇدان بولەك، قاھارمان قازاقستاندىقتار تۋرالى جان-جاقتى اقپارات kaharman.kz ۆەب-رەسۋرسىنا ورنالاستىرىلدى. سايتتا بىرەگەي ارحيۆتىك قۇجاتتار، مايدان حيكايالارى، مۋزىكالىق كومپوزيسيالار جانە ت.ب. كورىنىس تاپتى.
ەسكە سالا كەتەيىك، پارتيا تاراپىنان ۇرپاقتاردىڭ ٴۇنقاتىسۋى مەن ساباقتاستىعىن قامتاماسىز ەتۋ، قوعامدا اۋىزبىرشىلىكتى، ٴپاتريوتيزمدى، سالت-داستۇرلەر مەن قارتتارعا قۇرمەتتى نىعايتۋ ماقساتىندا «ارداگەرلەردى» ارداقتايىق جوباسى ىسكە اسىرىلۋدا. جوبا اياسىندا 5،4 مىڭ ارداگەردىڭ ٴومىر ٴسۇرۋ جاعدايى زەرتتەلىپ، زەردەلەنىپ، ناتيجەسىندە، ولاردىڭ 10 مىڭ تۇيتكىلى پارتيا نازارىنا الىندى. بۇل قاتاردا، ٴتۇرعىن-ۇي ماسەلەلەرى، مەديسينالىق-الەۋمەتتىك قىزمەت، ەرىكتىلەر كومەگى، بوس ۋاقىتىن ٴتيىمدى وتكىزۋ ماسەلەلەرى بار. ٴىس قورىتىندىسى بويىنشا ٴاربىر ارداگەردىڭ قاجەتتىلىكتەرىنە ارنالعان دەربەس الەۋمەتتىك كارتاسى جاسالىپ، كۇندەلىكتى تۇرمىستا قيىنشىلىقتارى بار 658 قارتقا پارتيالىقتار قاتارىنان قامقورلىق جاساپ وتىرۋ ٴۇشىن ارنايى ەرىكتىلەر توبى بەكىتىلدى.  


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي