BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىق فيلم فرانسيا كينوفەستيۆالىندە گران-پري جەڭىپ الدى

استانا. 29 قاڭتار. baq.kz – ەمير ٴبايعازيننىڭ «ۇيلەسىم ساباقتارى» («ۋروكي گارمونيي») تۋىندىسى فرانسيانىڭ انجە قالاسىندا وتكەن premiers plams حالىقارالىق كينوفەستيۆالىنىڭ گران-پري جۇلدەسىنە يە بولدى، دەپ حابارلايدى شاكەن ايمانوۆ اتىنداعى «قازاقفيلم» اق-نىڭ ٴباسپاسوز قىزمەتىنەن. 

رەجيسسەرگە كارتينانى فرانسيا كورەرمەندەرىنە تانىتۋ ٴۇشىن 15 مىڭ ەۋرو كولەمىندە سىياقى بەرىلدى.

حالىقارالىق قازىلار القاسىنا ماريا دە مەدەيرۋشپەن قاتار، رەجيسسەر كاترين كورسيني، اكتريسا ەليزا لاسوۆسكي، سسەناريي جازۋشى اننا-لۋيزا تريۆيديك، رەجيسسەر نادير موكنەش ەنگەن.

ەمير ٴبايعازيننىڭ بۇل تۋىندىسى ەۋروپادا جانە اقش-تا وتكەن ونداعان كينوفەستيۆالداردىڭ جۇلدەسىنە يە بولعاندىعىن ايتا كەتەيىك، ەڭ العاشقى جۇلدە بەرلين كينوفەستيۆالىندە ۇزدىك وپەراتورلىق جۇمىسى ٴۇشىن بەرىلدى جانە «morgen post» گازەتىنىڭ ارنايى سىيلىعى تابىستالدى.

premiers plans حالىقارالىق فەستيۆالى 2014 جىلدىڭ 17-26 قاڭتار ارالىعىندا ٴوتتى. وندا شامامەن الەمنىڭ ٴار تۇكپىرىنەن 80-نەن استام فيلم ۇسىنىلدى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي