BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا سىرا الكوگوليزمىمەن كۇرەسكە ارنالعان فيلم ٴتۇسىرىلدى

استانا. 2 شىلدە. baq.kz – قازاقستان - ورتالىق ازياداعى ەڭ "ىشكىش" مەملەكەت. بۇكىل الەمدىك دەنساۋلىق ساقتاۋ ۇيىمىنىڭ اقپاراتى بويىنشا ەلىمىز قىرعىزستان، وزبەكستان جانە تاجىكستان سىندى مەملەكەتتەردەن 90 ورىنعا ىلگەرى تۇر.  

وسىعان وراي رەسپۋبليكالىق ناشاقورلىق ماسەلەلەرىمەن اينالىساتىن مەديسينالىق-الەۋمەتتىك ورتالىق «سىرا الكوگوليزىمى» دەگەن ۆيدەونۇسقاۋلىق جاساپ شىعارعان. ال عالىمدار قازاقستاندىقتاردى سىرا الكوگوليزىمى ماسەلەسىنە شىنداپ قاراۋعا شاقىرىپ وتىر، دەپ جازادى «مەگوپوليس» گازەتى.
جاقىندا قازاقستاننىڭ 20 قالاسىندا «سىرا بارلاۋى» اتتى شارا ٴوتتى. بۇل شاراعا قاتىسۋشىلار 21 جاسقا تولماعان جاستاردىڭ دۇكەندەردەن ەمىن-ەركىن سىرا ساتىپ الىپ جاتقاندىعىنىڭ كۋاسى بولدى.
بۇل ماسەلەگە رەسپۋبليكالىق ناشاقورلىق ماسەلەلەرىمەن اينالىساتىن مەديسينالىق-الەۋمەتتىك ورتالىقتىڭ قىزمەتكەرلەرى وتە الاڭداۋلى.
«ٴبىز رەيد جۇرگىزگەن 45 دۇكەننىڭ 20-سىندا 21 جاسقا تولماعاندارعا دۇكەن قىزمەتكەرلەرى سىرا ساتتى. قورىتىندىسىندا ٴبىز جاقسى ناتيجەگە قول جەتكىزگەن جوقپىز. الكوگولدى ىشىمدىكتەردىڭ سالدارىنان سوڭعى 5 جىلدا قازاقستان بويىنشا 12 مىڭ ادام قايتىس بولعان، ال ناشاقورلاردى تىركەيتىن ديسپانسەرلەردە بۇگىنگى كۇنى 210 مىڭ ادام تىركەلگەن» دەيدى رەسپۋبليكالىق ناشاقورلىق ماسەلەلەرىمەن اينالىساتىن مەديسينالىق-الەۋمەتتىك ورتالىقتىڭ عىلىمي-زەرتتەۋ جۇمىستارى بويىنشا ديرەكتورىنىڭ ورىنباسارى الماس قۇسايىنوۆ.
سونىمەن قاتار ول: «ٴدال قازىرگى ۋاقىتتا تەلەديداردى قوسساڭىز سىرانىڭ نەشەتۇرلى سۇرىپتارىنىڭ جارنامالارى ماسسالىق تۇردە بەرىلىپ جاتقاندىعىن كورەسىزدەر. ٴبىز الكوگولدى ىشىمدىكتەرمەن كۇرەس جۇرگىزىپ كەلگەنىمىزبەن، سىرانى ونىڭ قاتارىنا قوسپايمىز. كەز-كەلگەن سىرانى ىشەتىن ادامنان سۇراساڭىز «سىرا پايدالى، ٴارى ٴدامى ٴتىل ۇيىرەر سۋسىن» دەگەن جاۋاپ الاسىز. رەسەي فەدەراسياسى سوڭعى جىلدارى سىرا الكوگوليزىمى ماسەلەسىن وزدەرىنىڭ ناشاقورلىقپەن كۇرەس ماسەلەلەرىنىڭ قاتارىنا قوستى. ولاردىڭ زەرتتەۋى بويىنشا جاستاردىڭ 70%-عا جۋىعى سىراعا تاۋەلدىلىككە شالدىعۋ ٴقاۋىپى جوعارى» دەدى.
«سالاماتتى قازاقستان» جانە رەسپۋبليكالىق ناشاقورلىق ماسەلەلەرىمەن اينالىساتىن مەديسينالىق-الەۋمەتتىك ورتالىقتىڭ عىلىمي-تەحنيكالىق باعدارلاماسىن جۇزەگە اسىرۋشى قىزمەتكەرلەردىڭ بىرلەسۋىمەن دۇنيەگە كەلگەن «سىرا الكوگوليزىمى» فيلمىندە سىرانى دايىنداۋ ادىس-تاسىلدەرى، ونىڭ قۇرامى، جاس اعزاعا كەرى اسەرى جانە الكوگوليزىممەن اۋىراتىن ادامداردىڭ بارلىعى ٴدال وسى سىرادان باستاپ سوڭى قالاي اياقتالعاندىعىن كورسەتەدى.

«سىرا الكوگوليزىمى» ٴفيلمىن جاساۋ باراسىندا 2009 جىلى مەكتەپ وقۋشىلارى اراسىندا جۇرزىگىلگەن زەرتتەۋدىڭ ناتيجەلەرى قولدانىلعان. 

 

اينۇر راقىشەۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي