BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان ۇلتتىق تەلەارناسى «قۇتقارۋشى» تەلەحيكاياسىن ۇسىنادى (فوتو)

استانا. 11 شىلدە. baq.kz – قازاقستان رەسپۋبليكاسى توتەنشە جاعدايلار مينيسترلىگى بولىمشەلەرى قۇتقارۋشىلارىنىڭ ومىرىنە ارنالعان بۇل تەلەحيكايا قازاقستانداعى تجم قىزمەتىنىڭ جۇمىسى تۋرالى تۇڭعىش فيلم.  

بۇل تەلەحيكايانى «قازاقستان» ۇلتتىق تەلەارناسى جىل سايىن 65 مىڭعا جۋىق اۆاريالىق-قۇتقارۋ جۇمىستارىنا شىعىپ، 10 مىڭعا جۋىق ادام ٴومىرىن قۇتقارىپ، ەۆاكۋاسيا جاسايتىن، 3،5 مىڭعا جۋىق زارداپ شەككەندەرگە مەديسينالىق كومەك كورسەتەتىن قر تجم قۇتقارۋشىلارىنىڭ باتىرلىق، ەرلىك ىستەرى، جانكەشتىلىك جانە ٴوز ىسىنە ادالدىعىن جۇرتشىلىققا كەڭىنەن حابارلاۋ ماقساتىندا تاپسىرىسپەن تۇسىرگەن.
كوركەم تەلەحيكايانىڭ سيۋجەتى «ەكشن» جانرىندا جانە شىنايى وقيعالار نەگىزىندە. بارلىعى 12 سەريادان تۇراتىن تەلەحيكايانىڭ 1-2 سەريالارى الماتى قالاسىنىڭ تاۋلارىنداعى كوشكىندەرگە، 3-4 سەريالارى قاپشاعاي جولىنداعى اۆتواپاتتارعا، 5-6 سەريالارى ىلە وزەنىندەگى وقۋ-جاتتىعۋلار جايىنا، 7-8 سەريالارى دۇكەندە ورىن العان ٴورت جونىندە، 9-10 سەريالارى الپەنيستەردى قۇتقارۋ، 11-12 سەرياسى قاپشاعايداعى قىزدى قۇتقارۋ تۋرالى بولادى.
تەلەحيكاياعا كاسىبي اكتەرلەرمەن قاتار قر تجم قۇتقارۋشىلارى دا قاتىسقان. بۇگىن «قازاقستان» ۇتا ديرەكتورى، قر تجم توتەنشە جاعدايلاردى جويۋ دەپارتامەنتىنىڭ ديرەكتورى، تۇسىرىلىمگە قاتىسقان قر ٴتجم-نىڭ قۇتقارۋشىلارى، اتالعان سەريالدىڭ پروديۋسەرى جانە سەريالعا قاتىسقان كاسىبي اكتەرلەر سەريالدىڭ ەفيرگە شىعاتىندىعى تۋرالى جۇرتشىلىققا كەڭىنەن حابارلاۋ ماقساتىندا ٴباسپاسوز كونفەرەنسياسىن وتكىزدى. 

 

اينۇر راكيشەۆا

فوتوسۋرەتتەر اۆتوردان


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي