BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قازاقستان» تەلەارناسىنان بيىل 8 وتاندىق جاڭا تەلەحيكايا كورسەتىلەدى

 استانا. 11 شىلدە. baq.kz –«قازاقستان» ۇلتتىق تەلەارناسىنان بيىل 8 وتاندىق تەلەحيكايا كورسەتىلەدى. بۇل جونىندە بۇگىن تەلەارنانىڭ تاپسىرىسى بويىنشا، قر توتەنشە جاعدايلار مينيسترلىگىنىڭ تىكەلەي قولداۋىمەن قۇتقارۋشىلاردىڭ قيىندىققا تولى كۇندەلىكتى جۇمىسىن پاش ەتەتىن «قۇتقارۋشى» تەلەحيكاياسىنىڭ ەفيرگە شىعۋىنا وراي وتكەن ٴباسپاسوز ٴماسليحاتىندا «قازاقستان» ۇلتتىق تەلەارناسىنىڭ ديرەكتورى ٴىلياس ىسقاقوۆ ٴمالىم ەتتى، دەپ حابارلايدى bnews.kz ٴتىلشىسى.

 «قازاقستان» رەسپۋبليكالىق تەلەراديوكورپوراسياسى سوڭعى ەكى جىلدا وتاندىق سەريالداردى ٴوندىرۋ ماسەلەسىنە ۇلكەن كوڭىل ٴبولىپ وتىر. 2011 جىلى 1 سەريال، 2012 جىلى 6 سەريال تۇسىرىلسە، بيىلعى جىلى 8 سەريال جوسپارلاپ وتىرمىز. ولاردىڭ بارلىعى ٴتۇسىرىلىپ جاتىر. ٴبىز بىرتە-بىرتە شەتەلدىڭ سەريالدارىن توقتاتىپ، ٴوزىمىزدىڭ وتاندىق ٴونىمدى، ٴوزىمىزدىڭ كەيىپكەرلەرىمىزدى، ٴوزىمىزدىڭ ٴومىرىمىزدى، ياعني، كورەرمەندەرىمىزگە جاقىن دۇنيەنى كورسەتسەك دەگەن ويمەن جىلدان- جىلعا كوبەيتىپ جاتىرمىز» - دەدى ٴىلياس ىسقاقوۆ.
«سونداي تەلەحيكايانىڭ ٴبىرى – «قۇتقارۋشى». ارينە، ونىڭ قيىندىقتارى از بولعان جوق. ٴفيلمنىڭ رەجيسسەرى مەن پروديۋسەرىنە، تۇسىرگەن توپقا العىسىمىزدى ايتامىز. بىرلەسىپ كوپ جۇمىس اتقاردىق. كەيبىر جەرلەرىن قايتا تۇسىرۋگە تۋرا كەلدى. كورەرمەننىڭ كوڭىلىنەن شىعادى عوي دەگەن ويدامىز»، - دەپ تولىقتىردى ول.
ەسكە سالا كەتەيىك، 12 سەريالى «قۇتقارۋشى» تەلەحيكاياسى «قازاقستان» ۇلتتىق تەلەارناسىندا سەنبى جانە جەكسەنبى كۇندەرى ساعات 12:50 كورسەتىلمەك. العاشقى سەرياسى 13 شىلدەدە ەفيرگە شىعادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي