BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان تاقىرىبىندا تۇسىرىلگەن العاشقى كوركەم سۋرەتتى فيلمدەر

استانا. 10 جەلتوقسان. baq.kz - قازاق جەرىنە كينو ونەرى وتكەن عاسىردىڭ جيىرماسىنشى جىلدارى كەلگەنىمەن، دامۋ دەڭگەيى باياۋ بولدى. ونىمەن قوسا ەلىمىزدە تەك دەرەكتى فيلمدەر عانا ٴتۇسىرىلىپ وتىردى. وسىدان باستاپ قازاقستان تاقىرىبىندا كوركەم جانرداعى فيلمدەر قاجەتتىلىگى تۋىندايدى.

سول جىلدارى ٴباسپاسوز بەتتەرىندە وسىنداي قاجەتتىلىكتەر تۋرالى پىكىرتالاستار ۇزدىكسىز جاريالانىپ وتىردى. ناتيجەسىندە 1928 جىلى دميتريي فۋرمانوۆتىڭ ادەبي شىعارماسىنىڭ جەلىسىمەن "بۇلىك" ("مياتەج") اتتى كوركەم فيلم ەكرانعا شىعادى. بۇل كارتينانىڭ تاريحىمىزداعى ورنى ەرەكشە، ويتكەنى قازاقستان تاقىرىبىندا تۇسىرىلگەن العاشقى كوركەم فيلم بولاتىن. سسەناريي اۆتورلارى: ميحايل بلەيمان، سەمەن تيموشەنكو، قويۋشى رەجيسسەرى: سەمەن تيموشەنكو، وپەراتورى: لەونيد پاتليس.


"بۇلىك" ("مياتەج") فيلمىنەن كادر (1928)
فيلم اۆتورلارى ادەبي نۇسقا رەتىندە، وسى شىعارمانى العانى كەزدەيسوق ەمەس ەدى. سول جىلدارى كەڭەس ۇكىمەتى جاڭادان ورناعاندىقتان، وكىمەت يدەياسىن فيلم ارقىلى تەرەڭ ناسيحاتتاۋ باستى مىندەت بولاتىن. جازبا نۇسقاداعى كەلتىرىلەتىن رەۆوليۋسيالىق قىراعىلىق، كۋلاكتار مەن بايلاردىڭ حالىققا قارسى ٴىس ارەكەتتەرىن اشۋ سياقتى قاسيەتتەر جانە سول ارقىلى تاپتىق كۇرەستى نىعايتۋ سياقتى باستى تارماقتار ەكراننان زاڭدى جالعاسىن تابادى. اتالمىش فيلمنەن كەيىن قازاقستان تاقىرىبىندا باسقا دا فيلمدەر تۋىندايدى.
1929 جىلى الماتى قالاسىندا بۇكىلرەسەيلىك "شىعىسكينو" ("ۆوستوككينو") اكسيونەرلىك قوعامنىڭ جەرگىلىكتى وندىرىستىك ٴبولىمى اشىلادى. اتالمىش بولىمشە ماتەريالداردى وڭدەۋ، شاعىن مونتاجداۋ بولمەلەرىمەن جابدىقتالادى.


"جۇت" فيلمىنەن كادر (1931) "جاۋ سۇرلەۋى" فيلمىنەن كادر (1935)
جيىرماسىنشى جىلدارمەن سالىستىرعاندا وتىزىنشى جىلدارى قازاقستان تاقىرىبىندا تۇسىرىلگەن فيلمدەر كۇرت ٴوستى. بۇل تەك دەرەكتى-حرونيكالىق فيلمدەردە عانا ەمەس، كوركەمسۋرەتتى كينوعا دا قاتىستى قۇبىلىس ەدى. وسى جىلدارى "دالا اندەرى" (1930 ج.، سسەناريي اۆتورى ە. ارون، رەجيسسەرى ا. لەمبەرگ)، "جۇت" / "دجۋت" (1931 ج.، سس. اۆتورلارى س. ەرمولينسكيي، م. كاروستين; رەج. م. كاروستين)، "قاراتاۋ قۇپياسى" / "تاينا كارا-تاۋ" (1932 ج.، سس. اۆتورلارى ا. دۋبروۆسكيي، ەل-رەگيستان; رەج. ا. دۋبروۆسكيي)، "جاۋ سۇرلەۋى" / "ۆراجي تروپى" (1935 ج.، سس. اۆتورلارى ي. شۋحوۆ، ي. پراۆوۆ; رەج. و. پرەوبراجەنسكايا، ي. پراۆوۆ) اتتى العاشقى كوركەمسۋرەتتى فيلمدەر ەكرانعا شىعادى. الايدا بۇل فيلمدەردىڭ ٴبارى دىبىسسىز بولدى.


                        سەركە قوجامقۇلوۆ                                                                    حاكىم داۋلەتبەكوۆ
ەسىڭىزدە ٴجۇرسىن: قازاق اكتەرلەرى ىشىنەن ەڭ العاش فيلمگە تۇسكەن سەركە قوجامقۇلوۆ (05.05.1896 - 31.12.1979) بولدى ("دالا اندەرى"). اتالمىش اكتەردىڭ ٴرولى ۇلتتىق كينواكتەرلىق مەكتەبىنىڭ تاريحىندا العاشقى تاجىريبە رەتىندە جوعارى باعالاندى. سەركە قوجامقۇلوۆ بۇل فيلمدە باتىراقتىڭ وبرازىن سومدادى. ودان كەيىنگى شىققان "جۇت" ٴفيلمى مەن "قاراتاۋ قۇپياسى" فيلمىنە باستى ٴرولدى حاكىم داۋلەتبەكوۆ (22.03.1910 - 11.01.1983) ويناعان. بۇل ەكى اكتەر قازاق كينواكتەر مەكتەبىن نەگىزىن قالاۋشى العاشقى قارلىعاشتار بولدى.

ماليك جۋرچۋبايەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي