BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان مەن تۇركيا بىرلەسىپ تەلەحيكايا تۇسىرەدى

استانا. 23 ٴساۋىر. baq.kz - قازاقستان مەن تۇركياعا ورتاق تەلەحيكايا ٴتۇسىرۋ تۋرالى كەلىسىمگە قول جەتكىزىلدى. تۇرىك جاعى وعان قولداۋ ٴبىلدىرىپ، جان-جاقتى كومەك كورسەتۋگە ٴازىر ەكەندىكتەرىن مالىمدەدى. 

ول تۋرالى وسى اپتادا بولعان قازاقستان رەسپۋبليكاسىنىڭ تۇركيا رەسپۋبليكاسىنداعى توتەنشە جانە وكىلەتتى ەلشىسى جانسەيىت تۇيمەبايەۆتىڭ تۇركيانىڭ مەملەكەتتىك trt تەلەاراديوكورپوراسياسىنىڭ باسشىلىعىمەن بولعان كەزدەسۋى بارىسىندا بەلگىلى بولدى.

سونىمەن قاتار، قازاقستاندىق تەلەونىمدەر تۇركيادا كورسەتىلەتىن بولدى. ونىڭ ىشىندە، وتاندىق تانىمال «سىرعالىم»، «اكە سەرتى»، «ۇلجان» جانە «اعايىندىلار» تۋىندىلارىن تۇرىك تىلىنە دۋبلياج جاساۋدا وسى ەلدەگى قازاقستان ەلشىلىگى كومەك كورسەتەدى.

«ەلدەر مەن قۇرلىقتاردى بايلانىستىرۋشى ۇلكەن قۇرال – تەلەۆيزيا بولىپ سانالادى. تۇركيانىڭ ەڭ ٴىرى مەملەكەتتىك تەلەارناسى trt، ونىڭ ىشىندە 8 مەملەكەتكە حابار تاراتاتىپ، ٴازىربايجان، قىرعىز، وزبەكستان، قازاقستان سەكىلدى باۋىرلاس ەلدەردىڭ ۇلتتىق ونەرىن، ٴداستۇرىن، دەرەكتى فيلمدەرى مەن مۋزىكالىق باعدارلامالارىن كورەرمەنگە تۇرىك تىلدىندە ۇسىناتىن trt-avaz (اۋەز) تەلەارناسىمەن ٴبىزدىڭ بايلانىسىمىز وتە تىعىز. سوڭعى جىلدارى قازاقستاندا تۇسىرىلگەن فيلمدەردى، تەلەحيكايالاردى جانە بالالارعا ارنالعان تەلەونىمدەردى تۇركيا كورەرمەندەرىنە ۇسىنۋ ماسەلەسى وڭ شەشىمىن تاۋىپ كەلەدى»، - دەدى ج.تۇيمەبايەۆ.

وسىعان دەيىن دە تۇركيانىڭ باستى تەلەارنالارىندا «بالالىق شاعىمنىڭ اسپانى»، «جاۋجۇرەك مىڭبالا» سياقتى تۋىندىلار كورسەتىلىپ، تۇرىك كورەرمەندەرىنىڭ كوڭىلىنەن شىققانى بەلگىلى.

قازىرگى تاڭدا تۇركيانىڭ ايگىلى trt-avaz قازاقتىڭ ۇلتتىق سپورت تۇرلەرىن، ونىڭ ىشىندە اسىرەسە كوكپاردى تۇركىتىلدەس باۋىرلارىمىزدىڭ اراسىندا كەڭىنەن ناسيحاتتاۋدى قولعا العان. 

 

دانا ساعىنبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي