BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قازاقستان – ٴبىزدىڭ ورتاق شاڭىراعىمىز» اتتى انيماسيالىق فيلمدەر سيكلى ٴتۇسىرىلدى

استانا. 17 ٴساۋىر. baq.kz – قازاقستان حالقى اسسامبلەياسىنىڭ 20 جىلدىق مەرەيتويى قارساڭىندا «قازاقستان – ٴبىزدىڭ ورتاق شاڭىراعىمىز» اتتى انيماسيالىق فيلمدەر سيكلىن ٴتۇسىرىلىپ، كەلەسى اپتا ونىڭ تۇساۋى كەسىلەدى.  

انيماسيالىق تۋىندىنى شاكەن ايمانوۆ اتىنداعى "قازاقفيلم" كينوستۋدياسى مەن قازاقستان حالقى اسسامبلەياسى بىرلەسە تۇسىرگەن. قوس تاراپ ٴساۋىر ايىنىڭ 20 كۇنى الماتى قالاسىندا اتالعان ٴمۋلتفيلمنىڭ تۇساۋىن كەسۋدى دە جوسپارلاپ وتىر.

تۇساۋكەسەر راسىمىنە قازاقستاننىڭ ەڭبەك سىڭىرگەن قايراتكەرى، ش.ايمانوۆ اتىنداعى «قازاقفيلم» اق ۆيسە-پرەزيدەنتى – باس رەداكتورى د.امانتاي، جازۋشى، كينودراماتۋرگ ە.تولەۋتاي، «قازاقفيلم» اق انيماسيالىق فيلمدەر بىرلەستىگىنىڭ باسشىسى ج.دانەنوۆ، قازاقستان حالقى اسسامبلەياسىنىڭ مۇشەلەرى، قحا الماتى قالالىق حاتشىلىعى، جانە جەرگىلىكتى تۇرعىندار قاتىسادى دەپ كۇتىلۋدە.

انيماسيالىق فيلمدەر قازاقستان حالقى اسسامبلەياسىنىڭ دامۋ تۇجىرىمداماسىنىڭ اياسىندا دايىندالدى. فيلمدەر – ورىس، تاتار، وزبەك، ۇيعىر، كورەي، تۇرىك، نەمىس، ۋكراين حالىقتارى ەرتەگىلەرىنىڭ جەلىسىمەن تۇسىرىلگەن. بالالارعا ارنالعان انيماسيالىق فيلمدەر الداعى ۋاقىتتا وتاندىق تەلەارنالاردان كورسەتىلەتىن بولادى. اۆتورلاردىڭ ايتۋىنشا، شىعارمالار وسكەلەڭ ۇرپاقتىڭ ٴوي-ورىسىن دامىتىپ، پاتريوتيزم مەن تولەرانتتىلىققا تاربيەلەۋگە سەپتىگىن تيگىزەدى. 

 

دانا ساعىنبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي