BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قازاقفيلم» جاڭا فيلم ٴتۇسىرۋدى باستادى

استانا. 29 قاڭتار. baq.kz - فيلم «تورەتام» دەگەن كەنتتىڭ اتىمەن اتالماق. وقيعا جەلىسى 2000-شى جىلدارى اۋعانستاننان اتامەكەنگە ورالعان قانداستارىمىزدىڭ وسى ەلدى مەكەنگە كەلىپ تۇراقتاعان كەزدەگى تۇرمىس-تىرشىلىگىنەن باستالادى.

 

ولار باستاپقى كەزدە جۇمىسسىزدىق، باسپانا مەن ٴتىل ماسەلەسى سياقتى قيىندىقتارعا تاپ بولادى. اۋعان جەرىندە ٴتۇسىرىلىم جۇمىستارىنا رۇقسات بەرىلمەگەندىكتەن، ول ەلدەگى كورىنىستەر كورشى تاجىكىستاننىڭ تاۋلى ايماعىنداعى قىستاقتارىندا تۇسىرىلەتىن بولدى. شىعارماشىلىق توپ جاقىندا تاجىكىستاندا بولىپ، اۋعان اۋىلدارىنا ۇقساس ەلدى مەكەندەردى كورىپ قايتتى. قازاقستانداعى ٴتۇسىرىلىم بالقاش وڭىرىندە وتەدى.

ٴسابيت قۇرمانبەكوۆ، كينورەجيسسەر، سۋرەتشى - كينونىڭ يدەياسى 2-3 جىل بۇرىن كەلگەن. ٴبىر وتباسىنىڭ وقيعاسى. ەڭ باستى ۇيىتقى بولىپ وتىرعان – ۇلكەن كىسى، 1930-شى جىلدارى وسى جاقتان كەتكەن. سول كىسى ەلىنە كەلىپ، وتانىنا كەلۋدى ارمانداعان ٴومىر بويى. سول بالا-شاعاسى بار، نەمەرەلەرى بار، ولار وتانىنا قايتىپ كەلەدى. وتانى قالاي قابىلدايدى، ٴبىزدىڭ ادامدارمەن ورالعان ادامداردىڭ قارىم-قاتىناسى تۋرالى. شىعارماشىلىق توپ كينو سالاسىندا ەڭبەگى سىڭگەن مايتالماندار مەن جاس مامانداردان قۇرالعان. سسەناريي اۆتورى – قازاقستاننىڭ ەڭبەك سىڭىرگەن ٴارتيسى، اكتەر، دراماتۋرگ نۇرلان سانجار. كينوكارتينانىڭ ديرەكتورى – تاڭىربەرگەن حاشيەۆ، ەكىنشى رەجيسسەر – بولات ىسقاقوۆ. ٴفيلمنىڭ بيۋدجەتى بەكىتىلگەن سوڭ شىعارماشىلىق توپ ٴتۇسىرۋ جۇمىستارىن باستايدى.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي