BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قازاقفيلم» تۋىندىلارى 200 كينوفەستيۆالدىڭ قاتىسۋشىسى بولعان (فوتو)

استانا. 4 شىلدە. baq.kz – سوڭعى بەس جىلدا «قازاقفيلم» كينوستۋدياسىنىڭ 175 تۋىندىسى 200-دەن استام كينوفەستيۆالدەر مەن 50-گە جۋىق ەلدىڭ حالىقارالىق كورسەتىلىمدەرىنە قاتىسقان. بۇل جايىندا «قازاقفيلم» كينوستۋدياسىنىڭ كينوجوبالاردى دامىتۋ ورتالىعى حابارلادى. 

قازاقستاندىق كينوتۋىندىلاردى مويىندايتىن ەلدەردىڭ سانى جىل سايىن ارتىپ كەلەدى. سوڭعى جىلدىڭ ەڭ جارقىن جاڭالىعى ەمير ٴبايعازينىڭ «ۇندەستىك ساباقتارى» اتتى ٴفيلمىنىڭ بەرلين كينوفەستيۆالىندە «كۇمىس ايۋ» جۇلدەسىمەن ماراپاتتالىپ، قازاقستان تاريحىنداعى بەرلينالە كونكۋرسىندا جەڭىسكە جەتكەن العاشقى فيلم بولسا، جاقىن ارادا پۋساندا وتەتىن الەمدىك بەدەلدى كينوفەستيۆالدەردىڭ بىرىندە ەربول جۇماعۇلوۆتىڭ «كىتاپ» كارتيناسىنىڭ الەمدىك كورسەتىلىمى وتەدى دەگەن اقپارات تارادى. فيلم ازيانىڭ ەڭ تانىمال كينولارى جينالعان «ازيا كينوسىنا تەرەزە» اتتى سەكسيادا كورسەتىلەدى.
قازاقستاندا 2012 جىلى شەتەلدىك، رەسەيلىك جانە قازاقستاندىق كينوتۋىندىلاردى قوسقاندا بارلىعى 281 فيلم پروكاتقا شىققان: 225 شەتەلدىك، 42 رەسەيلىك جانە ٴ14-ى قازاقستاندىق، ال ونىڭ جەتەۋى «ٴقازاقفيلمنىڭ» ٴونىمى. وتاندىق ٴونىم پروكاتتا بارلىعى 5 %-قۇرايدى.
«قازاقفيلم» جۇرگىزگەن زەرتتەۋىنىڭ ناتيجەسى بويىنشا 2012 جىلى كينوتەاترلاردا 13،4 ميلليون دانا بيلەت ساتىلعان. ول 2008 جىلمەن سالىستىرعاندا ەكى ەسەگە كوپ. ال كينوتەاترلاردىڭ وزىنە كەلەتىن بولساق، ەلىمىزدە 2008 جىلى ولاردىڭ سانى 77 بولسا، 2012 جىلى 95-كە جەتكەن. سونداي-اق كينوزالدار سانى 129-دان 245-كە، ورىن 27 341-دەن 40 000-عا وسكەن.
«ٴقازاقفيلمنىڭ» پرەزيدەنتى ەرمەك امانشايەۆتىڭ ايتۋى بويىنشا، وتاندىق ونىمدەرىمىز كورسەتىلىمگە الەمدىك پروكات كوشباسشىلارىمەن قاتار شىعاپ باسەكەگە قابىلەتى ارتۋدا. مىسال رەتىندە ول تاريحي «جاۋجۇرەك مىڭ بالا» دراماسىنىڭ امەريكالىق «كەك قايتارۋشىلار» («the avengers») بلوكباستەرىمەن ٴبىر ۋاقىتتا كورسەتىلىمگە شىعىپ، ەكىنشى اپتادا-اق اقان ساتايەۆتىڭ تۋىندىسى قارسىلاسىن باسىپ وزعاندىعىن كەلتىردى.

«قازاقفيلم» كينوستۋدياسىنىڭ كوركەم فيلمدەردى ٴوندىرۋ جىلدامدىعى 2000 جىلدان 2008 جىلعا دەيىن جىلىنا 4 فيلم بولسا، سوڭعى 5 جىلدا جىل سايىن 10 فيلم شىعارىلۋدا. سالىستىرۋ ٴۇشىن ارتقا شەگىنىس جاساساق، 60-جىلدارى جىلىنا 3 فيلمنەن شىعىپ تۇرسا، 70-جىلدارى – 4، 80-جىلدارى – 7 جانە 90-جىلدارى - 3 فيلمنەن شىعىپ تۇرعان.

2013 جىلى «قازاقفيلم» 10 فيلم شىعارۋدى جوسپارلاعان ەدى. بۇگىنگى كۇنى قازاقستاندىق كورەرمەن «جەڭىس سەمسەرى»، «ەر توستىك پەن ايداھار»، «ريەلتور»، «ستۋدەنت»، «لوتەرەيا» جانە «وقىتۋشى»، فيلمدەرىن كورىپ ۇلگەردى. ەندىگى كەزەكتە وسى كۇزدە شىعاتىن «جول» اتتى سپورت دراماسى.


اينۇر راكيشەۆا 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي