BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقفيلم اق «قازاق ەلى» كوپ سەريالى تاريحي جوبانى جۇزەگە اسىرۋعا كىرىستى

  استانا. 6 ناۋرىز. baq.kz – قازاقفيلم اق قازاق حاندىعىنىڭ 550 جىلدىعى اياسىندا تۇسىرىلەتىن «قازاق ەلى» كوپ سەريالى تاريحي جوبانى جۇزەگە اسىرۋعا كىرىستى. بۇل تۋرالى بۇگىن الماتىدا «قازاقفيلم» اق وكىلدەرى وتكىزگەن ٴباسپاسوز ٴماسليحاتىندا بەلگىلى بولدى.

 شارا بارىسىندا «قازاقفيلم» ٴتوراعاسى باقىت قايىربەكوۆ مەملەكەت باسشىسىنىڭ ۇسىنعان تەلەۆيزيالىق جوبانىڭ بىرەگەيلىگىن اتاپ ٴوتتى.

جاستاردىڭ پاتريوتتىق تاربيەنى بويىنا ٴسىڭىرۋى بۇگىنگى تاڭدا وتە وزەكتى پروبلەما.

«كارتينا قازاق حاندىعىنىڭ قۇرىلۋ كەزەڭدەرىن سيپاتتايدى. ەۋرازيا كەڭىستىگىندە مىڭداعان كوشپەلى تايپالاردىڭ جانىبەك پەن كەرەي سۇلتاننىڭ قول استىنا جينالۋى مەن ولاردىڭ بالالارى قاسىم مەن بۇرىندىق حان بيلەگەن كەزەڭدەر دە كورىنىس بەرەدى»، - دەدى كينوستۋديانىڭ ٴبىرىنشى ۆيسە-پرەزيدەنتى ارمان اسەنوۆ.

تۋىندىنىڭ قويۋشى رەجيسسەرى رۇستەم ابدىراشەۆ قازاق مەملەكەتتىلىگىنىڭ يۆان گروزنىيدىڭ ٴوزىن پاتشا جاريالاۋىنان 100 جىلعا ەرتە قالىپتاسقاندىعىن ايتتى.

«ٴبىز جاڭا مەملەكەتتىڭ قالىپتاسۋىن باستان كەشە وتىرىپ، تاريحتى يدەولوگيالىق تۇرعىدان بۇرمالاۋسىز اشىق كورسەتە الامىز»، - دەدى ول.

سەريالدى رۇستەم ابدىراشەۆ پەن ەرمەك تۇرسىنوۆتىڭ رەجيسسەرلىك كومانداسى تۇسىرەتىن بولادى. كينو الماتى وبلىسىندا 150 كۇن ىشىندە تۇسىرىلەدى. كينو قازاقشا ٴتۇسىرىلىپ، باسقا تىلدەرگە اۋدارىلادى. قىركۇيەكتە مونتاجدى باستاپ، 16 جەلتوقسان - قازاقستان تاۋەلسىزدىگى مەيرامىندا پرەمەراسىن ۇسىنامىز»، - دەدى ب.قايىربەكوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي