BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاق ٴمۋلفيلمىنىڭ قورجىنى تولىقتى

استانا. 16 تامىز. baq.kz – شىمكەنتتە جاس ۇرپاقتى يماندىلىققا باۋليتىن جاڭا مۋلتفيلم ٴتۇسىرىلدى، - دەپ حابارلايدى الاش ايناسى.

ٴمۋلتفيلمنىڭ سسەناريىن جازعان – قازاقستان انيماتورلارى اسسوسياسياسىنىڭ ٴتوراعاسى، رەجيسسەر-سسەناريست باتىرحان داۋرەنبەكوۆ. رەجيسسەرى – «ساق» كينوستۋدياسىنىڭ ديرەكتورى – نۇريددين پاتتەەۆ.

انيماسيالىق ٴمۋلتفيلمنىڭ باستى كەيىپكەرلەرى – ٴپىل مەن ٴتيىن. سۋ ىزدەگەن ٴپىل اعاش باسىنداعى ٴتيىندى كەزىكتىرەدى. ٴسويتىپ، ەكەۋى تىرشىلىك ٴنارىنىڭ قاينار بۇلاعىن ىزدەپ جولعا شىعادى. ساپار بارىسىندا ٴپىل ٴوز باسىنان وتكەن وقيعانى باياندايدى. ەكەۋارا اڭگىمە بارىسىندا ادامداردىڭ ز ۇلىمدىعى، ايلاعا تولى ىس-ارەكەتتەرى وزدەرىنە زيانىن تيگىزەتىنى ايتىلادى.

كوپشىلىككە ۇسىنار الدىندا ٴفيلمدى تاعى ٴبىر رەت ساراپتاپ العاندى ٴجون كورگەن انيماتورلار كارتينانىڭ العاشقى كورسەتىلىمىنە وبلىستىڭ اۋدان، قالالارىنان يمامداردى شاقىردى.
مۋلتفيلم جايىندا وڭتۇستىك قازاقستان وبلىسىنىڭ وكىل يمامى بەيبىت مىرزاعاليەۆ: «اتا-انالاردىڭ بالاسىنا كۇنۇزاققا تەلەديداردى قوسىپ، مۋلتفيلمدەر ديسكiسiنىڭ بiرiنەن سوڭ بiرiن قويىپ بەرەتىنى جاسىرىن ەمەس. وكىنىشكە قاراي، ەشكىم سول فيلمدەردىڭ ماعىناسىنا، مازمۇنىنا ٴمان بەرمەيدى. سول سەبەپتى دە ٴبىز «ساق» كينوستۋدياسىنىڭ قىزمەتكەرلەرىنەن ٴدىني، تانىمدىق باعىتتاعى مۋلتفيلمدەردى كوپتەپ تۇسىرۋگە قولقا سالۋدامىز. ماقساتىمىز – يسلام ٴدىنىن دارىپتەپ، قۇرانداعى «فيل» سۇرەسىن بۇلدىرشىندەرگە مۋلتفيلم ارقىلى، ونىڭ سۇيكىمدى كەيىپكەرلەرىنىڭ تىلىمەن جەتكىزۋ بولدى. بۇل ٴمۋلتفيلمدى جاساۋ بارىسىندا ٴاربىر ٴسوزىن شاريعاتقا لايىقتاپ، سونىڭ شەڭبەرىنەن شىقپاۋىن قاداعالادىق. بالالارىمىزدى ۇلتجاندىلىق، وتانسۇيگىشتىك، يسلامي باعىتتا تاربيەلەپ، وسىنداي مۋلتفيلمدەردى كوپتەپ كورسەتەتىن بولساق، ەلىمىز، بولاشاعىمىز ٴۇشىن بۇل وتە يگىلىكتى ٴىس بولار ەدى» دەپ پىكىرىن ٴبىلدىردى.

«ساق» كينوستۋدياسى ٴمۋلتفيلمدى تەگىن تاراتۋدى جوسپارلاپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي