BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاق-قىرعىز ٴفيلمى اقش-تا ٴتۇسىرىلىپ جاتىر

استانا. 13 قاراشا. baq.kz - امەريكا قۇراما شتاتتارىنىڭ لوس-اندجەلەس قالاسىندا قازاقستاندىق جانە قىرعىزستاندىق كينووندىرۋشىلەردىڭ بىرلەسۋىمەن جاڭا كينوفيلمنىڭ ٴتۇسىرىلىمى باستالدى. 

مassaget.kz پورتالىنىڭ جازۋىنشا، جاڭا ٴفيلمنىڭ سسەنارييى بويىنشا وندا ۇشقىش بولعىسى كەلەتىن جاس بالانىڭ بالاڭ ارمانى كورسەتىلەدى.

جاس بالانىڭ ارماندارىنىڭ ورىندالۋىنا كۇتپەگەن جەردەن شىعا كەلەتىن جاعدايلار مەن ماقساتقا جەتۋ جولىندا كەدەرگى كەلتىرەتىن كوپتەگەن جاعىمسىز كەيىپكەرلەر قارسى شىعادى.

ٴفيلمدى جاس رەجيسەر داۋرەن قامشىبايەۆ تۇسىرۋدە. رەجيسەردىڭ سوزىنشە، ونىڭ ٴفيلمىنىڭ باستى كەيىپكەرى سانالاتىن بالا تۋىندىدا ٴوز ماقساتىنا جەتىپ، ارماندارىن ىسكە اسىرۋ ٴۇشىن ول جولدا كەزدەسكەن قارسىلىقتارمەن دە، قيىندىقتارمەن دە كۇرەسەدى.

«ٴفيلمنىڭ قاھارمانى - ىشكى تىلسىمى تەرەڭ ادام. ول قاراپايىم وتباسىنان شىققان جيىرما بەس جاستاعى جىگىت. ٴوزى دە قاراپايىم. بولاشاق ۇشقىشتىڭ ارمانىن ورىنداۋ جولىندا ونىڭ ساعىن سىندىراتىن كوپتەگەن قولايسىز جايتتەر كەزىگەدى. ٴبىراق ول ماقساتىنا جەتۋ ٴۇشىن كۇش جينايدى. جولدا كەزىككەن بارلىق قورقىنىش مەن كۇدىكتى ول ٴوز كۇشىنە سەنۋ ارقىلى جەڭىپ شىعادى"، - دەيدى قامشىبايەۆ.

كارتينانىڭ ٴتۇسىرىلىمى لوس-اندجەلەس، سانتا-مونيكا قالالارىندا جانە لاگۋنا بيچ جاعالاۋىندا وتەدى.

قازىرگى تاڭدا گولليۆۋد اكتەرلەرىمەن كەلىسسوزدەر جۇرگىزىلۋدە. ازىرگە داۋلەت رومان ۇلىنىڭ ٴبىر رولگە تاعايىندالىپ قويعاندىعى بەلگىلى بولىپ وتىر. وعان گولليۆۋد گۇلزارلارىندا سيقىرشىلىق ونەرىمەن كۇنىن كورەتىن كەيىپكەردىڭ ٴرولى بۇيىرعان.

ٴفيلمنىڭ پروديۋسەرى نۇرمات ساكەبايەۆتىڭ ويىنشا، وتاندىق كينووندىرىسكە از بولسا دا باتىستىڭ اۋاسى جەتىسپەيدى.

قازاق پەن قىرعىز بىرلەسكەن كينونىڭ ازىرگە ناقتى اتاۋى بەلگىلى ەمەس. ونى «العاش رەت ۇشۋ» نەمەسە «جەردەن جوعارى» دەپ اتاۋى ابدەن مۇمكىن. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي