BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قازاق-قىرعىز ٴبىر تۋعان» ٴفيلمى ٴتۇسىرىلىپ جاتىر

استانا. 1 قازان. baq.kz - قىرعىزستاندىق تەاتر جانە كينو رەجيسسەرى نۇرلان ابدىقادىروۆ پەن كۋموندور ابىلوۆ «قازاق-قىرعىز ٴبىر تۋعان» دەپ اتتى فيلم ٴتۇسىرىپ جاتىر، دەپ حابارلايدى قازاقپارات.  

   بۇل جايىندا قازاقستانداعى قىرعىزستان كۇندەرى اياسىندا ٴوتىپ جاتقان ت.ابدۋمومۋنوۆ اتىنداعى قىرعىز ۇلتتىق اكادەميالىق دراما تەاترىنىڭ الماتىدا ٴوز قويىلىمدارىن كورسەتۋ كەزىندە تەاتر ديرەكتورى مارات الىشپايەۆ حابارلادى.
   ول: «وتكەن جىلى قىرعىزستاندا قازاقستان كۇندەرى وتكەن بولاتىن. ٴبىر ايعا سوزىلعان بۇل شارا باۋىرلاس ەكى ەلدىڭ اراسىنداعى مادەني ىنتىماقتاستىقتى جاڭا قارقىنمەن قايتا جانداندىرۋعا ۇلكەن سەپتىگىن تيگىزدى. سونىڭ ناتيجەسىندە 29 جىل بويى ٴۇزىلىپ قالعان قازاق-قىرعىز تەاترلارىنىڭ اراسىنداعى بايلانىس قايتا جالعاسىپ، ٴبىر جىلدىڭ ىشىندە «قىرعىزفيلم» مەن «قازاقفيلم» كينوستۋديالارى اراسىندا 2 بىردەي كينونى ٴتۇسىرۋ جۇمىستارى باستالىپ كەتتى. ولاردى نۇرلان ابدىقادىروۆ پەن كۋموندور ابىلوۆ ٴتۇسىرىپ جاتىر»، - دەيدى.
   ونىڭ ايتۋىنشا، «قازاق-قىرعىز ٴبىر تۋعان» دەپ اتالاتىن نۇرلان ابدىقادىروۆتىڭ فيلمىندە باستى كەيىپكەرلەردى سومداۋعا جامبىل وبلىستىڭ تەاترىنىڭ اكتەرلارى قاتىسقان. ٴتۇسىرۋ جۇمىستارى تامىز ايىندا باستالعان بۇل تۋىندى بىشكەك، الماتى قالالارى مەن ىستىق كول ماڭىندا تۇسىرىلگەن.
   شىعارماعا الماتىداعى جوعارى وقۋ ورىندارىنىڭ بىرىندە وقيتىن قىرعىز جىگىتى مەن قازاق قىزىنىڭ اراسىنداعى ماحاببات حيكاياسى ارقاۋ بولماق. ول العاشقىدا بۇل تاقىرىپتا پەسا جازباق بولادى. 2010 جىلدارى الماتىداعى م.اۋەزوۆ اتىنداعى قازاقتىڭ اكادەميالىق مەملەكەتتىك دراما تەاترىندا ىستەپ جۇرگەن كەزىندە قولعا العان بۇل يدەيانىڭ كينوسسەنارييگە اينالۋىنا ارادا 10 جىل وتكەندە قىرعىزستانداعى قازاقستان ەلشىسى بولعان بەيبىت يسابايەۆ تۇرتكى بولعان كورىنەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي