BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاق كينوسىنداعى بالالار وبرازى (ۆيدەو)

 استانا. 9 قاڭتار. baq.kz - ۇلتتىق كينەموتوگرافيانىڭ وزىق ۇلگىسىنە اينالعان كارتينانىڭ ٴبىرى دە بىرەگەيى – «مەنىڭ اتىم – قوجا». شيرەك عاسىر بويى كورەرمەنىن جوعالتپاعان ەڭ ۇزدىك بالالار ٴفيلمى ابدوللا قارساقبايەۆتىڭ العاشقى تۋىندىسى ەكەن. ٴالى كۇنگە ەكراننان تۇسپەگەن فيلمدە ويناعان بالالار ٴقازىر اتپال ازاماتتار.

رەجيسسەر قانىمبەك قاسىمبەكوۆ جۇرگەن جەرىندە قالقاڭ قۇلاق، ٴتىسى جوق بالالاردى ىزدەپ جۇرەدى ەكەن. سونىڭ ٴبىرى - «شوق پەن شەردەگى» عالىمجان. قالقاڭ قۇلاق بالا كەيىن تالانتتى اكتەر قامبار ۋاليەۆ بولىپ شىعا كەلدى.

1973 جىلى بالا بەينەسىن باسقا قىرىنان كورسەتە بىلگەن تاعى ٴبىر فيلم جارىققا شىقتى. «كوكسەرەكتەگى» قۇرماشتىڭ وبرازى قايسار، وجەت بالانىڭ بەينەسىن كورسەتكەندەي ەدى.

الىپپەسىن قۇشاقتاپ الىپ، مەكتەپكە بارعىسى كەلەتىن الپامىس بالاقاي وبرازىنىڭ 40 جىلدان بەرى جالىقتىرمايتىنى – وتىرىكتەن، ارامدىقتان ادا، تۇنىق سەزىمدەرگە تولى فيلم بولعاندىعىنان بولار. مۇنداعى وقيعا تانىمال رەجيسسەر قانىمبەك قاسىمبەكوۆتىڭ باسىنان كەشكەندەرى. «بۇل فيلم – مەنىڭ ٴبىرتۇتاس ٴومىرىم»،-دەيدى ول ٴبىر ەستەلىگىندە.

سونىمەن قاتار، «اۋىلىم كوكتوبەنىڭ بوكتەرىندە»، «سۇيرىك»، «ساعان كۇشىك كەرەك پە؟»، «ادامدار اراسىنداعى بولتىرىك» كارتينالارى دا بالالار وبرازىن اشا تۇسكەندەي.

 

ەركىن شاكىر ۇلى،

"قازاقستان" ۇلتتىق ارناسى،

"تاڭشولپان" اقپاراتتىق-سازدى

باعدارلاماسىنىڭ رەداكتورى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي